«جايلى مەكتەپ» ۇلتتىق جوباسى اياسىندا 2،4 ترلن تەڭگەگە 369 مەكتەپ سالىنادى، دەپ حابارلايدى Almaty-akshamy.kz.
2022 جىلدىڭ قىركۇيەگىندە مەملەكەت باسشىسى قاسىم-جومارت توقايەۆ «جايلى مەكتەپ» ۇلتتىق جوباسىن ازىرلەۋدى جانە جۇزەگە اسىرۋدى تاپسىرعان بولاتىن. پرەزيدەنت ءاربىر قازاقستاندىق وقۋشىنىڭ ءبىلىم الۋى مەن جان-جاقتى دامۋى ءۇشىن لايىقتى جاعداي جاسالۋى كەرەكتىگىن اتاپ ءوتتى.
ۇلتتىق جوبا اپاتتى مەكتەپتەردى، ءۇش اۋىسىمدا وقىتۋدى جانە وقۋشىلار ورنىنىڭ تاپشىلىعىن جويۋعا باعىتتالعان.
جوبا اياسىندا 740 مىڭ وقۋشىعا ارنالعان جاڭا باعىتتاعى 369 زاماناۋي مەكتەپ سالۋ جوسپارلانۋدا.
قالالاردا – 205، اۋىلداردا 164 ءبىلىم بەرۋ نىسانى سالىنادى.
217 عيماراتتىڭ قۇرىلىسىن 2024 جىلى، تاعى 152 عيماراتتى 2025 جىلى اياقتاۋ جوسپارلانعان.
جالپى جوبانى جۇزەگە اسىرۋعا بارلىعى 2،4 تريلليون تەڭگە بولىنەدى.