ەلەكتر جەلىلەرىن مودەرنيزاسيالاۋ بويىنشا جۇيەلى جۇمىستار جۇرگىزىلۋدە.
بيىل شۇعىلا، اقجار، تاۋسامالى، قۇرامىس، راحات، قاراعايلى جانە قالقامان شاعىن اۋداندارىندا 65 شاقىرىم ەلەكتر جەلىسى مەن 39 ترانسفورماتورلىق پودستانسيا اۋىستىرىلىپ، جوندەلدى، دەپ حابارلايدى Almaty-akshamy.kz.
ايتۋ كەرەك، بۇگىنگى تاڭدا اۋداندا 214 جەكە ترانسفورماتورلىق پودستانسيا بار، ولار «اجك» اكسيونەرلىك قوعامىنىڭ بالانسىنا بەرىلۋىنە قاراي جاڭعىرتىلاتىن بولادى.
قاۋىپسىزدىكتى قامتاماسىز ەتۋ ماقساتىندا 54 كوشەدە سىرتقى جارىقتاندىرۋ قۇرىلىسى جۇرگىزىلۋدە. بۇگىنگى تاڭدا تاستىبۇلاق جانە تاۋجولى شاعىن اۋداندارىنداعى 10 كوشە جارىقتاندىرىلدى. قالعان كوشەلەر بويىنشا جۇمىستار وسى جىلدىڭ قازان ايىنا دەيىن اياقتالادى دەپ كۇتىلۋدە. وسىلايشا ناۋرىزباي اۋدانىنداعى جارىقتاندىرىلماعان كوشە ماسەلەسى تولىعىمەن شەشىلمەك.