ورتالىق رەفەرەندۋم كوميسسياسىنىڭ ءتوراعاسى تمد بايقاۋشىلار ميسسياسىنىڭ باسشىسىمەن كەزدەستى

2022 جىلعى 1 ماۋسىمدا ورتالىق رەفەرەندۋم كوميسسياسىنىڭ ءتوراعاسى نۇرلان ءابدىروۆتىڭ تمد بايقاۋشىلار ميسسياسىنىڭ باسشىسى لەونيد انفيموۆپەن كەزدەسۋى بولدى، دەپ حابارلايدى Almaty-akshamy.kz Baq.kz-كە سىلتەمە جاساپ.
كەزدەسۋگە ورك حاتشىسى مۇحتار ەرمان، سونداي-اق تمد-دان بايقاۋشىلار ميسسياسى شتابىنىڭ جەتەكشىسى ولەگ كۋلەبا قاتىستى.
نۇرلان ءابدىروۆ جاقىندا نۇر-سۇلتان قالاسىنا كەلگەن تمد بايقاۋشىلارى ميسسياسىنىڭ باسشىسىنا ءىلتيپات ءبىلدىرىپ، رەفەرەندۋمعا دايىندىق پەن ونى وتكىزۋدىڭ نەگىزگى كەزەڭدەرىمەن قىسقاشا تانىستىردى.
لەونيد انفيموۆ ميسسيا 2022 جىلعى 21 مامىردا جۇمىسقا كىرىسكەنىن جانە ءوز قىزمەتىن قازاقستان رەسپۋبليكاسىنىڭ زاڭناماسىنا سايكەس قاتاڭ تۇردە ساياسي بەيتاراپتىق، رەفەرەندۋم بارىسىنا جانە مەملەكەتتىڭ ىشكى ىستەرىنە ارالاسپاۋ قاعيداتتارىنا نەگىزدەيتىنىن اتاپ ءوتتى.
تمد-دان بايقاۋشىلار ميسسياسىنىڭ قۇرامىنا تمد–عا قاتىسۋشى مەملەكەتتەردىڭ، دوستاستىقتىڭ پارلامەنتارالىق اسسامبلەياسىنىڭ، بەلارۋس جانە رەسەي وداعىنىڭ پارلامەنتتىك جينالىسىنىڭ، ۇقشۇ پارلامەنتتىك اسسامبلەياسىنىڭ جانە تمد اتقارۋ كوميتەتىنىڭ وكىلدەرى بولىپ تابىلاتىن 144 بايقاۋشى كىردى.