رەفەرەندۋمنان كەيىن پرەزيدەنتتىڭ وكىلەتتىگى قالاي وزگەرەدى – ساياساتتانۋشى ءتۇسىندىردى

مىناداي تۇزەتۋلەر ەنگىزىلەدى

قازاقستاندا 5 ماۋسىم كۇنى كونستيتۋسياعا وزگەرىس ەنگىزۋگە ارنالعان رەسپۋبليكالىق رەفەرەندۋم وتكىزۋ بەلگىلەنگەن. الايدا كوپشىلىكتىڭ اراسىندا رەفەرەندۋمنان كەيىن نە وزگەرەتىنى، قانداي زاڭداردىڭ الىنىپ تاستالاتىنى جونىندە ءتۇرلى بولجامدار بار. بەلگىلى ساياساتتانۋشى مارات شيبۇتوۆ رەفەرەندۋمنان كەيىن پرەزيدەنتتىڭ وكىلەتتىگى قانداي جولمەن قىسقاراتىنىن ءتۇسىندىرىپ بەردى، دەپ حابارلايدى Almaty-akshamy.kz Stan.kz اقپارات اگەنتتىگى-نە سىلتەمە جاساپ.
شيبۇتوۆتىڭ سوزىنشە، كونستيتۋسياعا پرەزيدەنتتىڭ وكىلەتتىكتەرىنە قاتىستى مىناداي تۇزەتۋلەر ەنگىزىلەدى:
1. ق ر پرەزيدەنتى ءوز وكىلەتتىكتەرىن جۇزەگە اسىرۋ كەزەڭىندە ەشبىر ساياسي پارتيانىڭ مۇشەسى بولماۋى ءتيىس.
2. ق ر پرەزيدەنتىنىڭ جاقىن تۋىستارىنىڭ مەملەكەتتىك ساياسي قىزمەتشىلەر، كۆازيمەملەكەتتىك سەكتور سۋبەكتىلەرىنىڭ باسشىلارى لاۋازىمدارىن اتقارۋعا قۇقىعى بولمايدى.
3. پرەزيدەنت 15 سەناتوردىڭ ورنىنا تەك 10-ىن عانا تاعايىنداي الادى.
4. جوعارى سوت كەڭەسىنىڭ ءتوراعاسىن تاعايىنداۋ ءۇشىن پرەزيدەنت سەناتتىڭ كەلىسىمىن الۋى كەرەك.
5. ەگەر بۇرىن پرەزيدەنت وبلىس/رەسپۋبليكالىق ماڭىزى بار قالا اكىمى لاۋازىمىنا ءماسليحات دەپۋتاتتىعىنا 1 كانديداتتى ۇسىنسا، وزگەرىستەردەن كەيىن كەمىندە 2 كانديداتتى ۇسىناتىن بولادى.
6. پرەزيدەنت وبلىستار، رەسپۋبليكالىق ماڭىزى بار قالالار جانە استانا اكىمدەرى اكتىلەرىنىڭ كۇشىن جويا المايدى نەمەسە ونى توقتاتا المايدى.
ساياساتكەر وسى وزگەرىستەردەن كەيىن پرەزيدەنتتىڭ بيلىككە تاعايىندالعان تۋىستارىنىڭ نەمەسە پارتيا باسشىلىعىن تاعايىنداۋ ارقىلى ساياساتقا ىقپال ەتۋ مۇمكىندىگى تومەندەپ، بۇل پارلامەنتتى تاۋەلسىز ەتەتىنىنە سەنىم بىلدىرەدى.
"وزگە ايماقتار ءۇشىن دە پرەزيدەنتتىڭ ءرولى تومەندەي تۇسەدى. پوستكەڭەستىك ەلدەردە (ءازىربايجان، تۇركىمەنستان، تاجىكستان كەلەسى كەزەكتە) بيلىكتى ۇرپاقتان ۇرپاققا قالدىرىپ جاتقان ۋاقىتتا بۇل ءسوزسىز العا جىلجۋدىڭ بەلگىسى"، - دەيدى مارات شيبۇتوۆ.