مەملەكەتتىك ورتالىق مۋزەيىنىڭ قورىندا 271 974 قۇندى جادىگەر بار.
2022 جىلى مۋزەي قورىنا 1316 زات قابىلدانعان، دەپ حابارلايدى Almaty-akshamy.kz مۋزەيدىڭ باسپا ءسوز قىزمەتىنە سىلتەمە جاساپ.
ەڭسەسى بيىك رۋحانيات ورداسى - مەملەكەتتىك ورتالىق مۋزەيىنىڭ قورىندا 271 974 قۇندى جادىگەر بار. نەگىزگى قورداعى سوناۋ تاس داۋىرىنەن باستاپ بۇگىنگى كۇندى قامتيتىن 218 215 مۋزەيلىك زاتتار مەن كوللەكسيالار ق ر مۋزەيلەرىنىڭ ۇلتتىق قورىنىڭ قۇرامىنا ەنگەن.
سىي-تارتۋلار، جەكە ادامداردان ساتىپ الۋ، سونداي-اق، ارحەولوگيالىق جانە ەتنوگرافيالىق ەكسپەديسيالار ناتيجەسىندە تابىلعان زاتتار قوردى تولىقتىرۋدا نەگىزى ءتۇسىم كوزى بولىپ تابىلادى. قور-ساتىپ الۋ (قور-ىرىكتەۋ) كوميسسياسىنىڭ شەشىمىمەن 2022 جىلى مۋزەي قورىنا 1316 زات قابىلداندى. ونىڭ ىشىندە نەگىزگى قورعا - 1262 س.ب.، عىلىمي-كومەكشى قورعا - 54 س.ب.، ۋاقىتشا قورعا – 1290 س.ب. بۇل، 2021 جىلمەن (518 ساقتاۋ بىرلىك، نەگىزگى قور - 356، عىلىمي-كومەكشى قور 135، ۋاقىتشا-27) سالىستىرعاندا، قابىلدانعان زاتتاردىڭ ەكى ەسە، نەگىزگى قوردىڭ ءتورت ەسە كوبەيگەندىگىنىڭ كورسەتكىشى.
2022 جىلدىڭ 2 ساۋىرىنەن باستاپ مۋزەي كوللەكسيالارىنىڭ بار-جوعىن قور تىزىمدەمەسى جانە ساقتاۋدىڭ ماتەريالدىق جاۋاپكەرشىلىك اكتىلەرى بويىنشا تۇگەندەۋ جۇمىستارى جۇرگىزىلۋدە. ناتيجەسىندە 170 080 مۋزەيلىك زات تۇگەندەلىپ، اكت ارقىلى راسىمدەلدى.
سونىمەن قاتار، 24 ناۋرىز - 21 ءساۋىر ارالىعىندا مۋزەي كىتاپحاناسىنىڭ كىتاپ قورىن تۋگەندەۋ-تەكسەرۋدى جۇرگىزۋ تۋرالى كوميسسيا مۇشەلەرى كۇرىلىپ، تۇگەندەۋ-تەكسەرۋ جۇمىستارى جۇرگىزىلدى. بۇگىندە كىتاپحانا قورىندا 27443 دانا ادەبيەت ساقتالسا، ونىڭ 23386 س.ب. نەگىزگى قوردا.
كوميسسيا شەشىمىن نەگىزگە الا وتىرىپ، قور ءبولىمىنىڭ ماماندارى جاڭا تۇسىمدەردى العاشقى ەسەپكە الۋ، قورعا قابىلداۋ، ءاربىر زاتقا جەكە ءنومىر بەرۋ، ت.ب. نۇسقاۋلىققا سايكەس جۇمىستاردى جۇرگىزدى.
2022 جىلى ورتالىق مۋزەي ءا.مارعۇلان اتىنداعى ارحەولوگيا ينستيتۋتىمەن ورناتىلعان مەموراندۋم نەگىزىندە مۋزەي قورىنا «قارعالى» كومبەسىنەن تابىلعان التىن زاتتار قابىلداندى. وسى ورايدا مۋزەي قورىن تولىقتىرۋعا اتسالىسقان ءا.مارعۇلان اتىنداعى ارحەولوگيا ينستيتۋتىنىڭ ديرەكتورى احان وڭعارۇلىنا جانە «قازاقستان حالقىنىڭ مادەنيەتى تاس ءداۋىرىنىڭ قازىرگى ەتنوگرافيالىق داۋىرگە دەيىن ارحەولوگيالىق دەرەكتەر بويىنشا» اتتى جوبا اياسىنداعى ارحەولوگيالىق قازبا جۇمىستارىن (جوبا جەتەكشىسى ب.بايتانايەۆ) جۇرگىزگەن ارحەولوگتارعا العىس ايتىپ، ريزاشىلىعىمىزدى بىلدىرەمىز.
وتكەن جىلى قورعا تۇسكەن زاتتاردىڭ قاتارىندا ارحەولوگيالىق ولجالار، حالقىمىزدىڭ قولونەرى مەن ءسالت-داستۇرىن ادەت عۇرپىن دارىپتەيتىن زاتتار، ادەبيەتتەر، ارحيۆ ماتەريالدارى، فوتوقۇجاتتارى جانە ت.ب.
ارحەولوگيالىق ولجالار:
- قارعالى كومبەسىن زەرتتەۋ بارىسىندا تابىلعان ارحەولوگيالىق ارتەفاكتىلەر: 3 جاپسىرما، 12 شىتىرا، 1 جيەكتەۋگە ارنالعان تىلىك.
- اقتوبە وبلىسىنان عۇرىپتىق ىدىس فراگمەنتتەرى، ات ابزەلدەرىنىڭ بولىكتەرى، سىرعا فراگمەنتى، جەبە ۇشتارى، تەكشەلەر (جازبا فراگمەنتى)، ادامنىڭ تومەنگى جاق سۇيەگى، ت.ب.؛ شىعىس قازاقستان وبلىسى، اياگوز اۋدانى، اقتوعاي اۋىلىنان وڭتۇستىك-شىعىسقا قاراي 18 كم جەردە ورنالاسقان قالدىق قويماسىن سالۋ جانە پايدالانۋ ءۇشىن بولىنگەن اۋماقتا عىلىمي-زەرتتەۋ جۇمىستارىن جۇرگىزۋ كەزىندە الىنعان ارحەولوگيالىق ولجالار.
- الماتى، تۇركىستان، جامبىل وبلىسى، شىمكەنت قالاسىنا ارنايى ۇيىمداستىرىلعان جانە «ۇلى دالا تاعدىرىنداعى التىن وردا جانە شاعاتاي مەملەكەتى نۋميزماتيكالىق دەرەكتەر بويىنشا (XIII-XIV عع.)» گرانتتىق قارجىلاندىرۋ جوباسى اياسىنداعى ەكسپەديسيالار بارىسىندا تابىلعان مونەتالار (XIII-XIV عع.).
كىتاپتار. «حIح-حح عع. باسىنداعى قازاقتاردىڭ مادەني قۇندىلىقتارى بويىنشا مۋزەيلىك دەرەك كوزدەرى: كىتاپ ءىسى، ءدىن، ءبىلىم» اتتى عىلىمي-قولدانبالى جوباسى اياسىندا وزبەكستان رەسپۋبليكاسى تاشكەنت قالاسىنان ساتىپ الىنىپ، مۋزەي كىتاپحاناسىنا وتكىزىلدى.
بەينەلەۋ ونەرى تۋىندىلارى. قاراقالپاقستاننىڭ تانىمال سۋرەتشىسى ناجماتدين شۋكۋرۋللايەۆتىڭ «ارال قىرلارىندا» كارتيناسى. «ارالبويى مارجانى» كورمەسى اياسىندا قاراقالپاقستان رەسپۋبليكاسىنىڭ تاريحى مەن مادەنيەتى مەملەكەتتىك مۋزەيىنەن سىي.
تۇرمىستىق زاتتار. الماتى، جامبىل، شىعىس قازاقستان وبلىسى تۇرعىندارى تاپسىرعان زاتتار: كەلى-كەلساپ، الاشا، ۇرشىق، شىمىلدىق، توسەكاياقتار، تۇسكەستە، كورپەشە تىستارى، شي، تۇلكى ىشىگى، كەتپەن؛
بەلگىلى تۇلعالارعا تيەسىلى زاتتار:
-قوعام قايراتكەرى ەكىنشى دۇنيەجۇزىلىك سوعىس ارداگەرى، «كاتيۋشا» رەاكتيۆتى قوندىرعىسىنىڭ كومانديرى بولعان اقتان تولەۋبايەۆقا تيەسىلى 3 فوتوكوشىرمە، حالىق قاھارمانى ر.قوشقاربايەۆتىڭ رەيحستاگقا تۋ تىككەنىن راستايتىن قۇجات كوشىرمەسى، 4 كىتاپ؛
- قازاق كسر حالىق سۋرەتشىسى، كينو سۋرەتشىسى، قازاق كەسكىندەمەشىسى ساحي رومانوۆتىڭ بالداعى؛
- قازاق سسر جوعارعى كەڭەسى پرەزيديۋمىنىڭ ءتوراعاسى ا.قازاقپايەۆتىڭ فوتوالبومى؛
- كەڭەستىك مەملەكەت قايراتكەرى، قازاقستان كومپارتياسى ورتالىق كوميتەتىنىڭ ءبىرىنشى حاتشىسى جۇماباي شاياحمەتوۆتىڭ ماقالالارى، جەكە ءىس قاعازدارى؛
- حالىق اقىنى ۇمبەتالى كارىبايەۆتىڭ سۋرەتتەرى؛
- «ارا-شمەل» جۋرنالىنىڭ باس سۋرەتشىسى ن.كازانسيەۆتىڭ جەكە زاتتارى: مەدال، كۋالىك، وردەن، سومكە، قالامساۋىت، قىلقالام، پورترەت، كارتينا، ساعات، كوزىلدىرىك.
- سۋرەتشى، ءمۇسىنشى، ويماشى جانە قازاقستاننىڭ حالىقارالىق جاس جازۋشىلارى جانە ونەر شەبەرلەرى اسسوسياسياسىنىڭ مۇشەسى ۇلزيرا مالىك قىزى جاساعان ى.ءالتىنساريننىڭ كەۋدەگە دەيىنگى بەينەسى باسىلعان كيىز بۇيىم جانە ت.ب.
قالىپتاسقان سحەما بويىنشا جاڭادان تۇسكەن ەكسپوناتتار نومىرلەنىپ، شيفرلانىپ قور ساقتاۋشى ماماندارعا ماتەريالدىق-جاۋاپكەرشىلىك اكتىسى بويىنشا بەرىلدى. جاڭا قابىلدانعان تۇسىمدەرگە قوردى ەسەپكە الۋ جانە ساقتاۋ توپتارىنىڭ ماماندارى تاراپىنان عىلىمي-انىقتامالىق كارتوتەكالار (تاقىرىپتىق، زاتتىق، رەتتىك، اتاۋلىق، جيناقتىق) تولتىرىلدى. ەسەپتىك مەرزىمدە بارلىعى 295 كارتوچكا جازىلدى.
2022 جىلى مۋزەي حالىقارالىق كورمەلەرمەن بىرگە، استانا، الماتى، قاراعاندى قالالارىندا جانە وقۋ ورىندارىندا ۇيىمداستىرىلعان جىلجىمالى كورمەلەرگە بەرىلگەن 400-گە جۋىق ەكسپونات كوپشىلىك نازارىنا ۇسىنىلدى.
ورتالىق مۋزەيدەگى ءتۇرلى سيپاتتاعى بۇل كوللەكسيالار قازاقستاننىڭ وتكەنى مەن قازىرگى تاريحى، مادەني مۇراسى تۋرالى جان-جاقتى تۇسىنىك الۋعا مۇمكىندىك بەرەدى. رۋحاني ءورىسىن كەڭەيتۋگە ۇمتىلعان جانعا عاسىرلار تاڭباسى قالعان جادىگەرلەردىڭ شەرتەر سىرى مول.