بۇگىن ق ر ۇلتتىق كىتاپحاناسىنىڭ ن. داۋلەتوۆا اتىنداعى زالدا كورنەكتى مەملەكەت جانە قوعام قايراتكەرى، مادەنيەتتانۋشى عالىم، قازاقستاننىڭ ەڭبەك سىڭىرگەن قايراتكەرى مۇرات مۇحتار ۇلى اۋەزوۆتىڭ 80 جىلدىق مەرەيتويىنا ارنالعان «وتكىردىڭ ءجۇزى» اتتى سالتاناتتى ءىس-شارا ءوتتى، دەپ حابارلايدى Almaty-akshamy.kz.
شارانى قازاقستان رەسپۋبليكاسى پرەزيدەنتى سىيلىعىنىڭ لاۋرەاتى، «قۇرمەت» وردەنىنىڭ يەگەرى، «قازاق راديوسى» جانە «شالقار» راديوسىنىڭ الماتى فيليالىنىڭ جەتەكشىسى باقىت جاعىپار ۇلى جۇرگىزدى.
سالتاناتتى شارانى قۇتتىقتاۋ سوزبەن قازاقستان رەسپۋبليكاسىنىڭ مادەنيەت جانە سپورت ءمينيسترى ورالوۆ اسحات رازدىق ۇلى، الماتى قالاسى مادەنيەت باسقارماسىنىڭ باسشىسى مايلىبايەۆ عاني ايدار ۇلى جانە ق ر ۇلتتىق كىتاپحاناسىنىڭ ديرەكتورى، قازاقستاندىق كىتاپحانالىق وداق ءتورايىمى وسپانوۆا باقىتجامال قايىربەك قىزى اشىپ، مۇرات مۇحتار ۇلىنىڭ ەلىمىزدىڭ رۋحاني دامۋىنا، قازاق حالقىنىڭ تاريحي-مادەني مۇراسىنىڭ ساقتالۋىنا، جاڭعىرۋىنا جانە زەردەلەنۋىنە، ۇلتتىق مادەنيەت پەن ادەبيەتتىڭ دامۋىنا قوسقان زور ۇلەسىن اتاپ ءوتىپ، جىلى لەبىزدەرىن ءبىلدىردى.
جيىن بارىسىندا اقتوبە وبلىسى اكىمىنىڭ ورىنباسارى ەلەۋسىنوۆا بۇلبۇل وراق قىزى، قازاقستاننىڭ حالىق جازۋشىسى، لينگۆيست-زەرتتەۋشى، تۇركىتانۋشى، بەلگىلى مەملەكەت جانە قوعام قايراتكەرى، ديپلومات، «نيەۆادا-سەمەي» قوزعالىسىنىڭ كوشباسشىسى، مادەنيەتتەردى جاقىنداستىرۋ حالىقارالىق ورتالىعىنىڭ ديرەكتورى سۇلەيمەنوۆ ولجاس ومار ۇلى جانە وزگە دە قوعام قايراتكەرلەرى ءسوز سويلەدى.
شارا سوڭىندا مەرەيتوي يەسى اۋەزوۆ مۇرات مۇحتار ۇلى قورىتىندى ءسوز سويلەپ، قانات ءامىرحانوۆ «جاس تۇلپار» ۇيىمىنىڭ ءانۇرانىن شىرقادى.
كەزدەسۋ اياسىندا ق ر ۇلتتىق كىتاپحاناسى قورىنان مۇرات اۋەزوۆتىڭ قىزمەتى مەن شىعارماشىلىعىنا ارنالعان «وتكىردىڭ ءجۇزى» اتتى كىتاپ كورمەسى ۇيىمداستىرىلدى.