الماتىدا كوركەم ءفيلمنىڭ ءتۇسىرىلىم جۇمىستارىنا وراي قالا كوشەلەرىنىڭ بەلگىلى ءبىر ۋچاسكەلەرى ۋاقىتشا جابىلادى، دەپ حابارلايدى Almaty-akshamy.kz.
جابىلاتىن كوشەلەر:
– 15 قاڭتار كۇنى ساعات 10-نان 14.00-گە دەيىن – جىبەك جولى كوشەسى، بۇزىربايەۆ كوشەسىنەن گوركيي اتىنداعى ساياباققا دەيىن؛
- 16 قاڭتار ساعات 19.00-دەن 02.00-گە دەيىن – تيميريازيەۆ كوشەسى جاندوسوۆ كوشەسىنەن روزىباكييەۆ كوشەسىنە دەيىن؛
- 18 قاڭتار ساعات 01.00-دەن 06.00-گە دەيىن – بوگەنباي باتىر كوشەسى دوستىق كوشەسىنەن ءۋاليحانوۆ كوشەسىنە دەيىن؛
- 18 قاڭتار جانە 19 قاڭتار ساعات 03.00-دەن 07.00-گە دەيىن – قۇرمانعازى كوشەسى نازاربايەۆ داڭعىلىنان تولەبايەۆ كوشەسىنە دەيىن.
بۇرىن حابارلانعانىنداي، ءتۇسىرىلىم بارىسىندا ءتۇتىن، پيروتەحنيكالىق قۇرالدار قولدانىلادى، سونداي-اق قاتتى ءارى شۇعىل دىبىستى كورىنىستەر بولادى. كەيدە ادامدار كوپ جينالاتىن تۇسىرىلىمدەر بولادى.
"كينو توبى ءتۇسىرىلىم باستالاردان بىرنەشە كۇن بۇرىن جاقىن ماڭداعى ۇيلەردىڭ تۇرعىندارىن حاباردار ەتۋگە، سونداي-اق اقپاراتتىق بەلگىلەردى تىكەلەي ورىنداردا پايدالانۋعا مىندەتتەندى. وسىعان بايلانىستى قالا تۇرعىندارى مەن قوناقتارىنان ءتۇسىرىلىم پروسەسىنە تۇسىنىستىكپەن قاراۋدى سۇرايمىز"، -دەلىنگەن اكىمدىك تاراتقان مالىمەتتە.