3 مسۋسىمدا الماتى قالاسىنداعى قازاقستان رەسپۋبليكاسىنىڭ ۇلتتىق كىتاپحاناسىندا قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ەۋرازيا عىلىمي-زەرتتەۋ ينستيتۋتى مەن قازاقستان رەسپۋبليكاسى پرەزيدەنتى جانىنداعى ق ر ۇلتتىق عىلىم اكادەمياسىنىڭ قولداۋىمەن «ورتالىق ازيانىڭ تاريحي گەوگرافياسى: ۋاقىت، كەڭىستىك، جادى» اتتى ءىى حالىقارالىق عىلىمي كونفەرەنسياسىن وتكىزدى.
قازاقستان رەسپۋبليكاسىنىڭ عىلىم جانە جوعارى ءبىلىم مينيسترىلىگى قارجىلاندىرعان «ورتالىق ازيانىڭ تاريحي گەوگرافياسى» اتتى ىرگەلى عىلىمي باعدارلامانى ىسكە اسىرۋ اياسىندا وتكىزىلگەن بۇل حالىقارالىق عىلىمي ءىس-شاراعا وتاندىق عىلىمدارمەن قاتار، اۆستريا، گەرمانيا، چەحيا، ۇلىبريتانيا، تۇركيا، ازەربايجان، يران، پاكىستان، رەسەي، جاپونيا، موڭعوليا، وزبەكستان، قىرعىزستان، جانە تاجىكستان سياقتى 15 ەلدءىڭ جەتەكشى ۋنيۆەرسيتەتتەرى مەن عىلىمي-زەرتتەۋ ورتالىقتارىنان 60-تان استام عالىمدار مەن جاسزەرتتەۋشىلەر قاتىسىپ، جالپى 58 بايانداما كوپشىلىكتىڭ تالقىسىنا ۇسىنىلدى.
كونفەرەنسيا «ورتالىق ازيانىڭ كارتوگرافياسى جانە كارتوگرافيالىق زەرتتەۋلەر»، «قازىرگى تاريحي گەوگرافيا جانە جاڭا پەرسپەكتيۆالار»، «تاريحي گەوگرافيانى قالپىنا كەلتىرۋ: دەرەككوز ءتاسىلى»، «تاريحي گەوگرافيا جانە تاريحي-مادەني مۇرانى قايتا پايىمداۋ»، «ورتالىق ازيانىڭ تاريحي گەوگرافياسىنداعى ەستە ساقتاۋ، سايكەستىلىك جانە كەڭىستىك»، «ورتالىق ازيانىڭ ەتنيكالىق جانە لينگۆيستيكالىق گەوگرافياسى، تاريحي توپونيمياسى» جانە «ساۋدا جولدارى، ەكونوميكالىق گەوگرافيا جانە ايماقتىق ينتەگراسيا» اتتى 8 سەكسيادان تۇراتىن 4 قاتارسەسسيادان تۇردى.
اتالمىش عىلىمي كونفەرەنسيا وتاندىق جانە شەتەلدىك عالىمدار مەن زەرتتەۋشىلەردىڭ باسىن قوسىپ، ورتالىق ازيانىڭ تاريحي ۇدەرىسى پەن گەوگرافيالىق كەڭىستىكتەگى ساياسي، الەۋمەتتىك-ەكونوميكالىق، رۋحاني-مادەني وزگەرۋى مەن دامۋىن، سونداي-اق، تاريحي گەوگرافيانىڭ داستۇرلەرى مەن تىڭ زەرتتەۋ باعىتتارىن تالقىلاۋ مەن ءوزارا اشىق عىلىمي پىكىر الماسۋعا مۇمكىندىك بەردى. وسىلايشا، بۇل عىلىمي كونفەرەنسيا – عىلىمي وي-پىكىردىڭ، ورتالىق ازيانىڭ تاريحى مەن تاريحي-گەوگرافياسىن جان-جاقتى ءارى تەرەڭدەتىپ تانۋدىڭاشىق اينالىپ ۇلگەردى.