ورتا ازيا ەلدەرىنە اقش اقشا بولەدى

كومەكتىڭ سوماسى – 14،3 ملن دوللار.

اقش-تىڭ حالىقارالىق دامۋ اگەنتتىگىنىڭ (USAID) اكىمشىسى سامانتا پاۋەر ورتالىق ازياعا قوسىمشا ينۆەستيسيا بولىنەتىنىن ايتتى، دەپ حابارلايدى Almaty-akshamy.kz

سامارقاندتا قازاقستان، قىرعىزستان، تاجىكستان، تۇركىمەنستان جانە وزبەكستان ۇكىمەتتەرىنىڭ قاتىسۋىمەن ايماقتىق ىنتىماقتاستىق بويىنشا س5+1 فورمۋلاسى بويىنشا كەزدەسۋ ءوتتى.

"مينيسترلەر كەزدەسۋى بارىسىندا پاۋەر اقش پەن ورتالىق ازيا ەلدەرى اراسىنداعى سەرىكتەستىكتى تەرەڭدەتۋ اياسىندا ايماققا قوسىمشا 14،3 ملن دوللار كولەمىندە كومەك كورسەتەتىنىن مالىمدەدى"، – دەپ جازىلعان حابارلامادا.

USAID 100 ميكرو، شاعىن جانە ورتا بيزنەستى (شوب) قولداۋ ءۇشىن 10،8 ملن دوللار بولەدى. جوبا ايەلدەردى، جاستاردى جانە حالىقتىڭ وسال توپتارىنا قاجەتتى داعدىلارعا ۇيرەتۋ ارقىلى ورتالىق ازيادا 8000 جۇمىس ورىنىن قۇرۋعا كومەكتەسەدى دەپ كۇتىلۋدە.

بۇعان قوسا، 1،5 ملن دوللار جەلىدەگى جانە باق-تاعى اقپاراتتىڭ ساپاسىن جاقسارتاتىن جانە ازاماتتاردى جالعان اقپاراتتى انىقتاۋ جانە ونىمەن كۇرەسۋ داعدىلارىمەن قامتاماسىز ەتەتىن باستامالارعا جۇمسالادى.

تاعى 2 ملن دوللار قوسىمشا قاراجات جەكە سەكتوردىڭ ينۆەستيسياسىن ارتتىرۋعا جانە جاڭارتىلاتىن ەنەرگيا كوزدەرىن دامىتۋعا باعىتتالادى.