«جاتاقحانا» وپەراسياسى: ءورت سوندىرۋشىلەر الماتى جاتاقحانالارىنان 350-دەن استام بۇزۋشىلىق انىقتادى
2023 جىلعى 13-17 قاراشا ارالىعىندا الماتى قالاسىنىڭ اۋماعىندا «جاتاقحانا» توتەنشە جاعدايلار دەپارتامەنتى قىزىعۋشىلىق تانىتقان مەملەكەتتىك ورگاندارمەن بىرلەسىپ، «جاتاقحانا» جەدەل-الدىن الۋ ءىس-شاراسىن وتكىزدى. ونىڭ قورىتىندىسىن وڭىرلىك كوممۋنيكاسيالار قىزمەتىنىڭ بريفينگىندە حابارلاندى.
الماتى تجد قۇتقارۋشىلارى «جاتاقحانا» جەدەل-الدىن الۋ ءىس-شاراسى اياسىندا قالا جاتاقحانالارىنا ءورت قاۋىپسىزدىگى تۇرعىسىنان پروفيلاكتيكالىق تەكسەرۋلەر جۇرگىزدى. ءىس-شارانىڭ ناتيجەلەرى تۋرالى دەدى الماتى قالاسى تجد مەملەكەتتىك ءورت باقىلاۋ باسقارماسىنىڭ باسشىسى مىندەتىن اتقارۋشى ەركەبۇلان جۇماتايەۆ باياندادى.
تجد، پوليسيا، اۋدان اكىمدىكتەرى، ۆولونتەرلىك ۇيىمدار قىزمەتكەرلەرىنىڭ بىرلەسكەن ءموبيلدى توپتارى جاتاقحانالار مەن حوستەلدەرگە 20 رەيد جۇرگىزدى.
«جۇرگىزىلگەن رەيدتەر بارىسىندا ءورت قاۋىپسىزدىگى تالاپتارىن بۇزۋدىڭ 350-دەن استام فاكتىسى انىقتالعان، ولاردىڭ ىشىندە كوپ كەزدەسەتىندەرى كەلۋشىلەردى بارىنشا كوپ ورنالاستىرۋ ماقساتىمەن عيمارات قۇرىلىسىنىڭ جوسپارىن وزگەرتۋ، ۇزارتقىشتار مەن جىلىتقىشتاردى پايدالانۋ، اقاۋلى ەلەكتر اسپاپتارى، وقشاۋلاۋى زاقىمدالعان ەلەكتر سىمدارى جانە تاعى باسقالار.
زاڭسىز جۇمىس ىستەيتىن، ونىڭ ىشىندە قايتا جابدىقتالعان جاتاقحانالاردىڭ بارلىق فاكتىلەرى بويىنشا شارالار قابىلداۋ ءۇشىن ءتيىستى ورگاندارعا حابارلاناتىن بولادى.
جاتاقحانالار مەن حوستەلدەردە تۇراتىن ازاماتتاردىڭ قاتىسۋىمەن جالپى 3000 مىڭنان استام ادامدى قامتيتىن 120 جيىن ۇيىمداستىرىلدى، جاتاقحانا يەلەرىمەن ءورت قاۋىپسىزدىگى الاپتارىن ساقتاۋ بويىنشا 8 دوڭگەلەك ۇستەل وتكىزىلدى.
جاتاقحانالاردا تۇراتىن ازاماتتارعا ءورت قاۋىپسىزدىگى ەرەجەلەرىن ءبىلۋ جانە ساقتاۋ تۇرعىسىنان الەۋمەتتىك ساۋالناما ۇيىمداستىرىلدى، بارلىعى 70 ادام قامتىلدى.
رەيدتىك ءىس-شارالارعا قاتىسۋشى الماتى قالاسى تجد مەملەكەتتىك ءورت باقىلاۋ باسقارماسىنىڭ باس مامانى دارىن مۇقانوۆ مەگاپوليس اۋماعىندا 202 جاتاقحانا بار ەكەنىن حابارلادى. جىل باسىنان بەرى جاتاقحانالاردا 6 ءورت تىركەلدى، سونىڭ سالدارىنان 9 ادام قازا تاپتى، ونىڭ 4ء-ۋى بالالار.
انىقتاما: «جاتاقحانا» جاش اياسىندا پوليسيا قىزمەتكەرلەرى تىركەۋى بولماعانى ءۇشىن اقبتك 492-بابىنىڭ 1-بولىگى بويىنشا 25 اكىمشىلىك حاتتاما، سونداي-اق اقبتك 505-بابى بويىنشا 1 حاتتاما (قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ) تولتىردى.
وسىعان بايلانىستى قۇتقارۋشىلار الماتى قالاسىنىڭ تۇرعىندارىنان ءورت قاۋىپسىزدىگى ەرەجەلەرىن قاتاڭ ساقتاۋدى جانە جاتاقحانالار مەن حوستەلدەردەگى ءورت قاۋىپسىزدىگىنە قاتىستى بۇزۋشىلىقتاردىڭ بارلىق فاكتىلەرى تۋرالى «101» جانە «112» ديسپەچەرلىك قىزمەتىنىڭ پۋلتىنە حابارلاۋدى نەمەسە e-Otinish پورتالىندا جازباشا ءوتىنىش بەرۋدى سۇرايدى.