رەنوۆاسيالاۋ باعدارلاماسى قالاي جۇرگىزىلەدى جانە توزىعى جەتكەن قانشا ءۇيدىڭ سۇرىلگەنىن الماتى قالاسى جەتىسۋ اۋدانىنىڭ اكىمى گۇلنار كوكەبايەۆا وكق بريفينگىندە ايتىپ بەردى، دەپ حابارلايدى almaty-akshamy.kz
ايتا كەتۋ كەرەك، قالانىڭ تۇرعىن ءۇي قورىن جاڭارتۋ باعدارلاماسى الماتى قالاسىنىڭ 2040 جىلعا دەيىنگى باس جوسپارى اياسىندا جۇزەگە اسىرىلۋدا. جەتىسۋ اۋدانىندا بارلىعى 161 ەسكى ءۇي بار، ونىڭ 18ء-ى بۇگىندە سۇرىلگەن. ولاردىڭ ورنىنا جاڭا ۇيلەر سالىندى.
«سىزدەر رايىمبەك داڭعىلىندا ەسكى ەكى قاباتتى ۇيلەردىڭ ورنىندا مۇلدەم جاڭا 12 قاباتتى ۇيلەر سالىنعانىن بايقاعان بولارسىزدار. سونداي-اق، بوتكين كوشەسىندە 9 قاباتتى ۇيلەر سالىندى. ءبىرىنشى كەزەكتە تۇرعان بارلىق تۇرعىندار قونىستاندى. ءقازىر ءۇشىنشى كەزەك بويىنشا بۇزۋ جۇمىستارى جۇرگىزىلۋدە. سونىمەن قاتار، دۋلىعا، ازوۆ جانە ءسۇيىنباي كوشەلەرىندەگى جانە ءىشىنارا گريبوەدوۆ كوشەسى بويىنشا توزىعى جەتكەن ۇيلەردىڭ تۇرعىندارىنىڭ ءوتىنىشى بويىنشا ولار جاڭا ۇيلەرگە كوشىرىلدى. تۇرعىنداردىڭ ءبىر بولىگى تۇركسىب جانە الاتاۋ اۋداندارىنا كوشىرىلدى»، - دەپ اتاپ ءوتتى گ.كوكەبايەۆا.
جەتىسۋ اۋدانىندا بارلىعى 138 بۇزىلماعان ەسكى ءۇي قالىپ وتىر. جاقىن ارادا، جاڭارتۋ باعدارلاماسى اياسىندا ونىڭ 28ء-ىن بۇزۋ جوسپارلانۋدا. سۇرىلگەن عيماراتتاردىڭ ورنىنا 40 ءۇي سالۋ جوسپارلانۋدا.