قازاقستاننىڭ باس پروكۋرورى بەرىك اسىلوۆ بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ ءولتىردى دەپ ايىپتالعان سالتانات نۇكەنوۆانىڭ ءىسى تۋرالى ايتتى، - دەپ حابارلايدى .
باس پروكۋراتۋرا جانىنداعى ۇيلەستىرۋ كەڭەسىنىڭ وتىرىسىندا اسىلوۆ ايەلدەر مەن بالالارعا قاتىستى قىلمىستىق ارەكەتتەر قوعامدى دۇرلىكتىرگەنىن ايتتى.
"جاقىنداعى نۇكەنوۆانىڭ ءولىمى ينتەرنەت كەڭىستىگىن ءدۇر سىلكىندىردى. ءقازىردىڭ وزىندە 150 مىڭعا جۋىق قازاقستاندىق تۇرمىستىق زورلىق-زومبىلىقتان قورعاۋدى كۇشەيتۋ تۋرالى پەتيسياعا قول قويدى.
سونىمەن قاتار، بۇل باعىتتا جۇمىس تۇراقتى جۇرگىزىلىپ جاتىر. بيىل وتباسىلىق-تۇرمىستىق قۇقىق بۇزۋشىلىقتار ءۇشىن قاماۋعا الۋ مەرزىمى ۇلعايتىلدى، تاراپتاردى قايتا تاتۋلاستىرۋعا تىيىم سالىندى"، - دەدى اسىلوۆ.
ول پوليسيانىڭ تۇرمىستىق زورلىق-زومبىلىق قۇرباندارىنىڭ شاعىمىن قاراۋ جۇمىستارى قايتا قۇرىلعانىن ءتۇسىندىردى.
"ناتيجەسىندە، ءۇشىنشى توقساندا اكىمشىلىك جاۋاپكەرشىلىككە تارتىلعان جانجال شىعارۋشىلار سانى 7 مىڭنان 27 مىڭعا دەيىن كوبەيگەن. جىل باسىنان بەرى 80 ادام كىسى ولتىرگەنى جانە اۋىر جاراقاتتار ءۇشىن ۇزاق مەرزىمگە باس بوستاندىعىنان ايىرىلدى. ءبىراق تەك جازالاۋ ادىستەرى جاعدايدى تۇزەتە المايدى. ءتارتىپ ورناتۋدا بىزگە قوعامنىڭ، ءاربىر ازاماتتىڭ بەلسەندى قولداۋى قاجەت"، – دەدى باس پروكۋرور.