پورتۋگاليادا ءورت ءسوندىرۋ تىكۇشاعى سولتۇستىك لامەگۋ قالاسىنىڭ ماڭىنداعى دۋرو وزەنىنە قۇلادى. اپات سالدارىنان كەم دەگەندە ءبىر ادام قازا تاۋىپ، تورتەۋى جوعالىپ كەتتى. بۇل تۋرالى 30 تامىزدا Daily Mail باسىلىمى جاريالادى، دەپ حابارلايدى aqshamnews.kz.
«پورتۋگاليانىڭ سولتۇستىگىندەگى وزەنگە بورتتا التى ادامى بار ءورت ءسوندىرۋ تىكۇشاعى قۇلاعاننان كەيىن ءبىر ادامنىڭ دەنەسى تابىلدى»، - دەلىنگەن ماقالادا.
ۇشقىشتى اپات بولعان جەرگە جاقىن جەردە قايىقپەن جۇزگەن تۋريستەر قۇتقارعانى اتاپ ءوتىلدى.
«ونىڭ بىرنەشە جەرى سىنعان جانە اپاتتان كەيىن گيپوتەرميادان زارداپ شەگەدى، ءبىراق ونىڭ ومىرىنە ەش ءقاۋىپ ءتونىپ تۇرعان جوق»، — دەپ جازادى ءتىرى قالعان ۇشقىش تۋرالى باسىلىم.
بورتتا كەم دەگەندە تاعى بەس ادام بولعانى بەلگىلى. قازىرگى ۋاقىتتا جوعالعان ادامداردى ىزدەۋ جالعاسۋدا. بيلىكتىڭ ايتۋىنشا، سۇڭگۋىرلەر ىزدەۋ جۇمىستارىن جۇرگىزۋدە، ىدەۋ وپەراسياسىنا تەڭىز پوليسياسى مەن سەرۋەندەۋ قايىقتارى دا قاتىسادى.