تامىز ايىنىڭ قورىتىندىسى بويىنشا قازاقستاندا تۇرعىن ءۇي باعاسى تۇراقتى دەڭگەيدە، ال جالدامالى پاتەر قۇنى ەداۋىر وسكەن، دەپ حابارلايدى aqshamnews.kz
Krisha.kz ساراپتاماسى بويىنشا، ءبىر ايدا 18 قالانىڭ سەگىزىندە باعا تومەندەدى. بۇل رەتتە اقتاۋ مەن الماتىدا پاتەرلەر تيىسىنشە 2.4 جانە 1.0% - عا ارزاندادى. ەڭ جوعارى ءوسىم – ورال (+1.3%)، شىمكەنت (+1.0%)، استانا (+0.8%) قالالارىندا تىركەلگەن.
قالعان قالالاردا وزگەرىستەر شامالى عانا، 1% شەگىندە. ءقازىر قايتالاما نارىقتا ساتىپ الۋشىلار ءۇشىن ءتيىمدى ۇسىنىستار بار. ولار وزدەرى ءۇشىن ەڭ جاقسى نۇسقالاردى تاڭدايدى، ال ساتۋشىلار كوبىنەسە ولاردىڭ تالاپتارىنا بەيىمدەلۋگە ءماجبۇر. وسى كۇزدە كوپتەگەن ساتۋشىلار بۇرىن كەيىنگە قالدىرىلعان سۇرانىستى جابۋعا دايىن. سوندىقتان كۇزدە باعانىڭ ءوسۋى مۇمكىن، ءبىراق جوعارى باسەكەلەستىككە بايلانىستى قاربالاس بولمايدى.
ال قاڭتار ايىنان باستاپ 11 قالادا پاتەرلەر ارزاندادى. باعانىڭ ەڭ شەكتى تومەندەۋى قاراعاندى، قىزىلوردا (-2.5 %)، سەمەي (-2.0 %)، الماتى (-1.9 %)، تاراز (-1.8%) قالالارىندا بولدى. بۇل رەتتە، پەتروپاۆلدا، اقتاۋدا سەگىز ايدا باعانىڭ ءوسۋى 5% - دان استى. استانادا ورتاشا باعالار 1%-كە ءوستى.
سونىمەن قاتار، تامىز ايىندا جالعا بەرىلەتىن تۇرعىن ءۇي باعاسى بىردەن 8% - عا ءوستى. قىركۇيەك ايىندا جالداۋ اقىسى تاعى دا ءوسۋى مۇمكىن.