الماتىدا گەنەرال-مايور امانكەلدى مەندالييەۆتى ەسكە الۋ ماقساتىندا ۇلتتىق ۇلاننىڭ «وڭتۇستىك» وڭىرلىك قولباسشىلىعى ءوز ارداگەرلەرى اراسىندا سكانديناۆيالىق جۇرۋدەن جارىس ۇيىمداستىردى.
مەگاپوليستىڭ بوتانيكالىق باعىندا وتكەن جارىسقا قاتىسۋشىلار 70 جاسقا دەيىن جانە 70 جاستان جوعارى جاستاعى ارداگەرلەر بولىپ ەكى توپقا ءبولىندى. ءبىرىنشى توپتاعى ارداگەرلەر 6 شاقىرىمدىق قاشىقتىقتى، ال ەكىنشى توپ 3 شاقىرىمدىق قاشىقتىقتى باعىندىرۋ كەرەك بولدى.
5571 اسكەري ءبولىمىنىڭ سپورت جانە دەنە شىنىقتىرۋ باستىعى اعا لەيتەنانت داۆرونبەك تۋرسۋنوۆتىڭ پارمەن بەرۋىمەن سورەدە تۇرعان ارداگەر سپورتشىلار دودانى باستاپ كەتتى. ءا دەگەننەن اقساقالىمىز ماگامەد گامزاتوۆيچ توپتىڭ الدىنا ءتۇسىپ، جارىسقا جاي كەلمەگەنىن بايقاتتى. جارىسقا قاتىسۋشىلار 1،5 شاقىرىم قاشىقتىقتى باعىندىرعاندا، ماگامەد اعامىز توپتان 150 مەتردەي ۇزاپ كەتتى. ءسويتىپ جەڭىستى ەشكىمگە بەرمەدى. ەكىنشى، ءۇشىنشى بولىپ سويۋزجول جۇمانوۆ پەن ەركەش قۇلبايەۆ كەلسە، امان اقىلوۆ ءتورتىنشى ورىنعا تابان تىرەدى. ايتا كەتەتىن جايت، پولكوۆنيك سويۋزجول جۇمانوۆ 3 جانە 6 شاقىرىمدىق قاشىقتىقتا دا ب ا ق سىنادى. بىرىنشىسىندە ەكىنشى ورىن السا، 6 شاقىرىمدىق قاشىقتىقتا ءبىرىنشى كەلدى. 6 شاقىرىمدىق قاشىقتىقتا مارە سىزىعىن ەكىنشى بولىپ 3656 اسكەري ءبولىمى ارداگەرلەر كەڭەسىنىڭ ءتوراعاسى ساعات بايباقتييەۆ اياقتاسا، 5571 اسكەري ءبولىمى ارداگەرلەر كەڭەسىنىڭ ءتوراعاسى بەرىك الماعانبەتوۆ العاشقى ۇشتىككە ىلىكتى.
جەڭىمپازدار اراسىندا پولكوۆنيك يسمايل ابيزوۆ «سپورت ادامى» نوميناسياسىندا ۇزدىك دەپ تانىلسا، پولكوۆنيك مۇرات قاراگۋيشييەۆ «ەڭ كوپ جۇرەتىن ادام» نوميناسياسىن جەڭىپ الدى. ال پولكوۆنيك ماگامەد مايندۋروۆ اقساقالىمىز «سكانديناۆيالىق ءجۇرۋدىڭ اكۋلاسى» اتاندى.
– جارىسقا ارداگەر قىزدارىمىز گالينا مايندۋروۆا مەن ايناكۇل قوجىموۆانىڭ، استانا قالاسىنان ارنايى كەلگەن پولكوۆنيك مۇرات قاراگۋيشييەۆتىڭ قاتىسۋى دا ءىس-شارانىڭ كورىگىن قىزدىرا ءتۇستى. مۇنداي ءىس-شارالار جاستارعا ۇلگى بولادى. ارداگەرلەرىمىزدىڭ ءالى دە تىڭ ەكەنىن بىلدىرەدى. بۇقارالىق سپورتتى، سالاۋاتتى ءومىر سالتىن وسىلاي ناسيحاتتاي ءجۇرىمىز كەرەك. جارىس سوڭىندا مارقۇم گەنەرال-مايور امانكەلدى شايحى ۇلىنىڭ باسىنا بارىپ، قۇران باعىشتادىق، – دەيدى «وڭتۇستىك» وڭىرلىك ارداگەرلەر كەڭەسىنىڭ ءتوراعاسى، زاپاستاعى پولكوۆنيك اساتۋللا قۇلاحمەدوۆ.