اباي وبلىسىنداعى الاپات ورمان ءورتى سالاداعى ءبىرقاتار تۇيىتكىلدىڭ بار ەكەنىن كورسەتتى.
ورماننىڭ قاۋىپسىزدىگىنە جاۋاپتى مامانداردىڭ قىزمەتتىك كولىگىن ايتپاعاندا، قاراپايىم قۇرال-جابدىعى مەن ارنايى فورمالارى دا جوق. ونىڭ ۇستىنە ورمانشىلاردىڭ جالاقىسى دا تومەن.
24.kz ارناسى پىكىرىن ۇسىنعان ساراپشى جاعپار كارىمجامنىڭ ايتۋىنشا، سالا سەرپىلىسىنە ەلدەگى ورمان شارۋاشىلىعىنا بولىنەتىن قارجىنىڭ ازدىعى كەدەرگى كەلتىرىپ وتىر.
«ورمان شارۋاشىلىعىندا جۇمىس ىستەيتىن قاراپايىم قىزمەتكەرلەردىڭ جالاقىسى تىم از. ورتاشا ەسەپپەن العاندا شامامەن 100 مىڭ تەڭگە. ءبىراق ولاردىڭ جۇمىس جۇكتەمەسى جوعارى. كەي ينسپەكتوردىڭ قىزمەتتىك كولىگى جوق، كوبىنە ولار ءوز كولىگىن پايدالانادى. سول ءۇشىن ءقازىر جاستاردىڭ بۇل ماماندىققا قىزىعۋشىلىعى تومەن. سالادا پروبلەما كوپ. ويتكەنى، ورمان شارۋاشىلىعىنداعى باسشىلىق لاۋازىمدارعا تاعايىندالعانداردىڭ دەنى وسى سالاعا قاتىسى جوق»، - دەيدى ورمانشى جاعپار كارىمجان.