قاردىڭ قارقىندى ەرۋى مەن اپتاپ ىستىقتان ۇلكەن الماتى وزەنىندەگى سۋ دەڭگەيى كوتەرىلدى.
سالدارىنان وزەن ەرنەۋىنەن اسىپ، كوشەلەرگە جايىلدى. سينوپتيكتەردىڭ بولجاۋىنشا، قالادا اپتاپ ىستىق الداعى كۇندەرى دە ساقتالادى. اعىننىڭ تاسۋ ءقاۋپى جوعارى. سول سەبەپتى ماماندار تۇرعىندارعا وزەن ارناسىنان الىس ءجۇرۋدى ەسكەرتەدى، دەپ حابارلايدى Almaty-akshamy.kz.
24.kz اقپاراتىنا جۇگىنسەكك، ۇلكەن الماتىعا سۋ قاسكەلەڭ وزەنىنەن كەلەدى. كۇندەلىكتى كەشكى 6-دان ءتۇن ورتاسىنا دەيىن سۋ دەڭگەيى كوتەرىلەدى.
«ۇلكەن الماتى وزەنىندەگى سۋ دەڭگەيىنىڭ كوتەرىلۋى مورەنالىق كولدەردىڭ ەرۋىمەن بايلانىستى ەمەس. قازىرگى ۋاقىتتا كولدەر قىسقى رەجيمنەن شىعىپ، مۇزبەن جابىلعان. وسىعان بايلانىستى قالا حالقى مەن ينفراقۇرىلىمىنا ءقاۋىپ ءتونىپ تۇرعان جوق. جاعداي الماتى قالاسى تج جانە قازسەلدەنقورعاۋ دەپارتامەنتىنىڭ تۇراقتى باقىلاۋىندا»، - دەيدى قالالىق تجد باسقارما باستىعىنىڭ م. ا نۇرسۇلتان الدوڭعاروۆ.