«KIOF» حالىقارالىق اڭشىلىق، بالىق اۋلاۋ جانە بەلسەندى دەمالىس كورمەسى (Kazakhstan International OUTDOOR FAIR) 2023 جىلعى 27-30 ساۋىردە «اتاكەنت» كورمە ورتالىعىندا، №9 پاۆيلوندا وتەدى.
ءىس-شارانى الماتى قالاسى اكىمدىگىنىڭ، ق ر ەگترم ورمان شارۋاشىلىعى جانە جانۋارلار دۇنيەسى كوميتەتىنىڭ، «كاراۆانەروۆ» قاۋىمداستىعىنىڭ، «Central Asia Trade Exhibition» ج ش س اقپاراتتىق قولداۋىمەن «قانسونار» اڭشىلاردىڭ قوعامدىق بىرلەستىكتەرى مەن اڭشىلىق شارۋاشىلىعى سۋبەكتىلەرىنىڭ قاۋىمداستىعى ۇيىمداستىرادى، دەپ حابارلايدى Almaty-akshamy.kz
الماتىدا «KIOF» حالىقارالىق اڭشىلىق، بالىق اۋلاۋ جانە بەلسەندى دەمالىس كورمەسى ءتورتىنشى رەت وتەدى. كورمە اۋەسقويلار مەن كاسىپقويلار اراسىندا كەڭ تانىلعان.
بيىل 50-دەن استام كومپانيا اڭشىلىق، بالىق اۋلاۋ جانە بەلسەندى دەمالىستىڭ جاڭا ماۋسىمىنا تاۋارلارىن ۇسىنادى. ەكسپوزيسياعا اڭشىلىق، بالىق اۋلاۋ جابدىقتارى مەن كەرەك-جاراقتارى، ارنايى جابدىقتار، تەحنيكالىق جانە كولىك قۇرالدارى، بالىق اۋلاۋ جانە اڭشىلىق ءتۋريزمى، بەلسەندى دەمالىس، تاقىرىپتىق ادەبيەتتەر، كادەسىي مەن تابيعات تارتۋى سىندى ۇزدىك تاۋارلار مەن قىزمەتتەر كورسەتىلەدى. پاۆيلوندا قايىق، كەمە، موتورلار، جول تالعامايتىن كولىكتەر جانە بالىق پەن اڭ اۋلاۋعا ارنالعان باسقا دا تەحنيكالار قويىلادى.
كورمە پىكىرتالاسقا، قارىم-قاتىناسقا جانە جاڭا سەرىكتەستەر تابۋعا جول اشادى. ءىس-شارا كەزىندە بالىق اۋلاۋ ىلگەگىن بايلاۋ، قالتقى جاساۋ، جولدوربانى ساپارعا دايىنداۋ، جابايى ۇيرەكتەردى اجىراتۋ جارىسى جانە ويىن-ساۋىق جانە وقىتۋ ءىس-شاراسى وتەدى.
ب ا ق ءۇشىن بايلانىس: + 7 777 588 88 87، باۋىرجان وسپانوۆ، «قانسونار» اڭشىلاردىڭ قوعامدىق بىرلەستىكتەرى مەن اڭشىلىق شارۋاشىلىعى سۋبەكتىلەرىنىڭ قاۋىمداستىعى