ورمان القاپتارى اۋماعىندا دەمالاتىن ازاماتتاردىڭ سانىن شەكتەۋ بويىنشا زاڭنامالىق مۇمكىندىكتى بەلسەندى پايدالانۋ قاجەت.
بۇل تۋرالى ۇكىمەت باسشىسى ايتتى، دەپ حابارلايدى Almaty-akshamy.kz.
«بىرىنشىدەن، اكىمدىكتەر ەلدى مەكەندەردە ءورت ءسوندىرۋ بەكەتتەرى مەن ەرىكتى ورتكە قارسى قۇرىلىمداردى ۇيىمداستىرۋ جۇمىسىن جالعاستىرۋى قاجەت. ەكىنشىدەن، ەكولوگيا مينيسترلىگى، جەرگىلىكتى اتقارۋشى ورگاندار وتكەن جىلعى تاجىريبەنى ەسكەرە وتىرىپ، ءورت ءقاۋپى جوعارى جەرلەردە قوسىمشا باقىلاۋ بەكەتتەرىن قويۋى ءتيىس»، - دەدى ۇكىمەت باسشىسى.
پرەمەر-مينيستر جاز ايلارىندا تابيعات اياسىنداعى ءورت قاۋىپسىزدىگى ەرەجەلەرىن بۇزعانى ءۇشىن ايىپپۇل سالۋ، سونداي-اق قاجەت بولعان جاعدايدا، ورمان القاپتارى اۋماعىندا دەمالاتىن ازاماتتاردىڭ سانىن شەكتەۋ بويىنشا زاڭنامالىق مۇمكىندىكتى بەلسەندى پايدالانۋ قاجەتتىگىن باسا ايتتى.
«ۇشىنشىدەن، توتەنشە جاعدايلار، اقپارات مينيسترلىكتەرى مەن اكىمدىكتەر ءورت قاۋىپسىزدىگى تالاپتارىن ساقتاۋ ماسەلەسى بويىنشا حالىق اراسىندا ءتۇسىندىرۋ جۇمىستارىن كۇشەيتۋى ءتيىس»، - دەگەن ءاليحان سمايىلوۆ بۇل تاپسىرمالاردى ۇيلەستىرۋدى ءبىرىنشى ورىنباسارى رومان سكليارعا جۇكتەدى.