اكەمتەاتردا – مۋزەي ءتۇنى

شارا اياسىندا «ەكەۋمىز» دراماسى قويىلادى.

م.اۋەزوۆ اتىنداعى  قازاق ۇلتتىق دراما تەاترىندا  2023 جىلدىڭ 18 مامىر  كۇنى ۇلتتىق تەاتر مۋزەيىنە 55 جىل تولۋىنا وراي  مۋزەي ءتۇنى  شاراسى  وتەدى، دەپ حابارلايدى Amaty-akshamy.kz.

مادەني شارانىڭ ماقساتى –  قازاق ونەرىنىڭ قارا شاڭىراعى، عاسىرعا جۋىق تاريحى بار مۇحتار اۋەزوۆ اتىنداعى قازاق ۇلتتىق دراما تەاترى  مۋزەيىنىڭ 55 جىلدىق مەرەيتويىنا وراي ۇيىمداستىرىلىپ وتىرعان «مۋزەي ءتۇنى» ءىس-شاراسى قارساڭىندا  قارا شاڭىراقتىڭ ونەر بەلەستەرىن،  بەلگىلى ونەر تۇلعالارىنىڭ مايلى بوياۋمەن سالىنعان پورترەتتەرىن، ءارتۇرلى قويىلىمداردا كيگەن ءىرى تۇلعالاردىڭ تەرى سىڭگەن ساحنالىق كيىمدەرىن، ماراپاتتارىن، مەدالدارىن، العىس حاتتارىن، قولدانعان بۇيىمدارىن، ءار سپەكتاكلدەردەن تۇسىرىلگەن سۋرەتتەرىن، باسپا ءسوز باسىلىمدارىنا شىققان  ماقالالارىن، زەرتتەۋلەرىن، ەسسەلەر مەن وچەركتەرىن، ت.ب. جيناقتالعان قۇندى جادىگەرلەرمەن ونەر سۇيەر قاۋىم مەن  وسكەلەڭ ۇرپاقتارعا تانىستىرۋ.

• ساعات 16.30-دا «تەاتر جانە مۋزەي: قازىرگى تاڭداعى تەاتر مۋزەيلەرىنىڭ وزەكتى ماسەسلەلەرى» اتتى دوڭگەلەك ۇستەل (الماتى قالاسىنداعى مەملەكەتتىك مۋزەي قىزمەتكەرلەرى، تەاترتانۋشىلاردىڭ قاتىسۋىمەن).


• ساعات 18.30-دا و.جانايداروۆتىڭ «ەكەۋمىز» دراماسى قويىلادى. رەجيسسەرى – ن.دۋبس.


• ساعات 20.30-دا تەاتر مۋزەي قورىنان سۇرىپتالىپ الىنعان 55 جىلدىققا وراي 55 تۇلعانىڭ پورترەتتەرى ىلىنگەن كورمەنىڭ اشىلۋ سالتاناتى وتەدى (وسى كەشتە بەلگىلى ارتيستەردىڭ قاتىسۋىمەن  تەاترلاندىرىلعان قويىلىمداردان ۇزىندىلەر قويىلىپ، عاسىرعا جۋىق ساقتالعان  ساحنالىق كيىمدەردىڭ شەرۋى ءوتىپ،   تانىمال انشىلەردىڭ ورىنداۋىندا اندەر شىرقالىپ، تەاتر تاريحىنان سىر شەرتەتىن دەرەكتى فيلمدەر كورسەتىلەدى).