ورازاعا قاتىستى بارلىق مالىمەتتى ءبىر جەردەن تاباسىز

الماتىدا «ramadan 2022.kz» ارنايى ءموبيلدى سايتى ىسكە قوسىلدى

الماتىدا «ramadan 2022.kz» ارنايى ءموبيلدى سايتى ىسكە قوسىلدى. وندا ورازاعا قاتىستى بارلىق مالىمەتتەردى الۋعا بولادى. بۇل تۋرالى بريفينگ بارىسىندا الماتى قالاسىنىڭ باس يمامى تولەبي وسپان ايتتى، دەپ حابارلايدى almaty-akshamy.kz

«الماتى وكىلدىگىنە قاراستى «azan.kz» سايتىنا ءبىر كۇندە 20 مىڭنان استام وقىرمان كىرەدى. ال رامازان ايىندا ورازاعا قاتىستى مالىمەت ىزدەۋشىلەر سانى ءبىر تاۋلىكتە 50 مىڭنان اسىپ جىعىلادى. سايتقا ءبىر مەزەتتە كىرۋشىلەردىڭ كوپ بولۋىنان سايت جۇمىسى توقتاپ قالاتىن كەزدەر دە بولادى. سول سەبەپتى «azan.kz/kz/ramadan» پاراقشاسىن قازاق-ورىس تىلدەرىندە قوسىمشا ۇسىنىپ وتىرمىز. ودان بولەك جاڭادان «ramadan2022.kz» ءموبيلدى سايتى دا ىسكە قوسىلدى. بۇل سايتتا ورازاعا قاتىستى مالىمەتتەر مەن قاتار الماتى ورتالىق مەشىتتە ايتىلاتىن ۋاعىز كەستەسى، تاراۋىق نامازىندا قۇران حاتىم تۇسىرىلەتىن مەشىتتەر، حالال سەرتيفيكاتىن العان مەيرامحانالار ءتىزىمى تاعى باسقا دا اقپاراتتار ەنگىزىلگەن»، - دەدى سپيكەر.

رامازان ايى مەن دىنگە قاتىستى ماسەلەلەر بويىنشا قازاقستان مۇسىلماندارىنىڭ ءدىني باسقارماسى جانىنداعى ءدىني اقپارات ورتالىعىنان دا كەڭەس الۋعا بولادى.

ورتالىقتىڭ تەلەفون ءنومىرى: 8 (7172) 33-30-30.

باس يمام الماتى ورتالىق مەشىتىنىڭ تەلەفون نومىرلەرىن دە بەردى:

8 (727) 329 09 66، 8 700 719 76 22.