ۇلكەن جانە كىشى الماتى سۋ الابىندا قار كوشكىنى ءجۇرۋى مۇمكىن
الماتى قالاسىنىڭ توتەنشە جاعدايلار دەپارتامەنتى تاۋدا اباي بولۋعا شاقىردى، دەپ حابارلايدى almaty-akshamy.kz
«31 ناۋرىز بەن 1 ءساۋىر ارالىعىندا جىلىمىقتىڭ اسەرىنەن جانە قار جامىلعىسىنىڭ تۇراقسىز بولۋىنا بايلانىستى ۇلكەن جانە كىشى الماتى سۋ الابىندا قار كوشكىنى ءجۇرۋى مۇمكىن. قيىن جاعدايعا ۇرىنباس ءۇشىن، تاۋ بوكتەرىنە شىعۋعا تىيىم سالىنادى»، - دەپ ەسكەرتەدى الماتى قالالىق تجد باسپا ءسوز قىزمەتى.
الماتى تاۋلارىندا كوشكىن ءقاۋپى ساقتالادى. قۇتقارۋشىلار پروفيلاكتيكالىق قار ءتۇسىرۋ جۇمىسىن جالعاستىرىپ جاتىر.
«شىمبۇلاق» تشك اۋماعىندا دەمالۋشىلاردىڭ قاۋىپسىزدىگىن قامتاماسىز ەتۋ ماقساتىندا «اۆالانچەر» پنيەۆماتيكالىق قوندىرعىسى ارقىلى قار كوشكىنى جۇرگىزىلدى.
«تۇسىرىلگەن قاردىڭ كولەمى - 300 شارشى مەتر. تۇسكەن ماسسا تاۋ شاڭعىسى تراسساسىنا دەيىن جەتىپ، تازالاۋ جۇمىستارىن تگك شىمبۇلاق بۋلدوزەرىمەن جۇرگىزدى»، - دەپ حابارلادى ۆەدومستۆودان.