قازاقستان اتىنان ءتورت سپورتشى قاتىستى.
تاجىكستان استاناسى دۋشانبەدە ۆەلوسپورتتان ازيا بىرىنشىلىگى جالعاسۋدا. بۇگىن جارىس جولىنا شىققان ءجاسوسپىرىم قىزدار ەكى مەدالعا قول جەتكىزدى، دەپ حابارلايدى Almaty-akshamy.kz Olympic.kz سىلتەمە جاساپ.
ءجاسوسپىرىم قىزدار اراسىنداعى توپتىق جارىسقا قازاقستان اتىنان ءتورت سپورتشى قاتىستى. ولار - الينا سپيرينا، داريا قازاقباي، ەليزاۆەتا سكلياروۆا جانە ۆيولەتتە كازاكوۆا.
تارتىستى باسەكەدە الينا سپيرينا كۇمىس، داريا قازاقباي قولا جۇلدەگەر اتاندى. ەليزاۆەتا سكلياروۆا مارە سىزىعىن ءتورتىنشى بولىپ كەستى. ۆيولەتتا كازاكوۆا العاشقى وندىقتى تۇيىندەگەن.
توپتىق جارىستا وزبەكستان كومانداسىنىڭ وكىلى توپ جاردى.