بقو تج دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 4 قاڭتار كۇنى ساعات 02.07-دە سىرىم دات ۇلى كوشەسى 52-مەكەنجايىندا ورنالاسقان ەكى قاباتتى RIZYQ ءدامحاناسىنىڭ عيماراتىندا الدىن الا بولجام بويىنشا گاز-اۋا قوسپاسىنىڭ جارىلىسى بولعان.
سالدارىنان عيماراتتىڭ 110 شارشى مەتر بولىگى قيراپ، 25 شارشى مەتر اۋماقتى ءورت شارپىعان.
«ءتىلسىز جاۋ» ساعات 02.40-تا اۋىزدىقتالدى. وقيعا ورنىنان ءورت سوندىرۋشىلەر مەن جەكە قۇرامنان 39 ادام، 13 تەحنيكا، جەدەل جاردەم بريگاداسى (18 ادام، 6 تەحنيكا) پوليسيا دەپارتامەنتى (28 ادام، 7 تەحنيكا) قىزمەتكەرلەرى جۇمىس جاسادى. قازىرگى ۋاقىتتا بقو تجد جانە وبلىس اكىمدىگىنىڭ كۇشتەرىمەن قيراعان ۇيىندىلەردى تازارتۋ بويىنشا جۇمىستار جۇرگىزىلۋدە. زارداپ شەككەندەرگە شۇعىل پسيحولوگيالىق كومەك كورسەتۋ ءۇشىن بقو تجد شتابىندا 8 (7112) 55-40-88 ءنومىرى بويىنشا جەدەل جەلى جۇمىسى ۇيىمداستىرىلدى» دەپ حابارلادى ۆەدومستۆودان.
وقيعانى بقو اكىمدىگى دە راستاپ، وقيعا ورنىنا وبلىس اكىمى ناريمان تورەعالييەۆتىڭ ارنايى بارعانىن، زارداپ شەككەندەر بار ەكەندىگىن جەتكىزدى.
قازىرگى كەزدە ءىستىڭ ءمان-جايى انىقتالىپ جاتىر.