اقپارات كوميتەتىنىڭ ءتوراعاسى قىزمەتىن مەيىرلان راحانوۆ اتقاراتىن بولدى، دەپ حابارلايدى almaty-akshamy.kz
مادەنيەت جانە اقپارات ءمينيسترىنىڭ بۇيرىعىمەن مەيىرلان اقىلبەك ۇلى راحانوۆ اقپارات كوميتەتىنىڭ ءتوراعاسى بولىپ تاعايىندالدى، - دەپ جازىلعان حابارلامادا.
ايتا كەتەيىك، مەيىرلان راحانوۆ 1988 جىلى قاراعاندى وبلىسىندا دۇنيەگە كەلگەن. قازتۇتىنۋوداعى قاراعاندى ەكونوميكالىق ۋنيۆەرسيتەتىن بىتىرگەن. ەڭبەك جولىن 2011 جىلى قاراعاندى قالاسى اكىمدىگىنىڭ ىشكى ساياسات بولىمىندە باستاعان.
- 2012 جىلى – قاراعاندى وبلىسى سالىق باسقارماسىنىڭ جەتەكشى مامانى؛
- 2012-2013 جىلدارى – قاراعاندى وبلىسى اكىمدىگى ىشكى ساياسات باسقارماسىنىڭ باس مامانى؛
- 2013-2016 جىلدارى – اقپارات كوميتەتى باسپا ب ا ق باسقارماسىنىڭ ساراپشىسى، باس ساراپشىسى؛
- 2016-2021 جىلدارى – پرەزيدەنت باسپا ءسوز قىزمەتىنىڭ ساراپشىسى، كەڭەسشىسى، ينسپەكتورى؛
- 2021 جىلعى شىلدەدەن 2023 جىلعى جەلتوقسانعا دەيىن پرەزيدەنت باسپا ءسوز قىزمەتىنىڭ سەكتور مەڭگەرۋشىسى بولدى.