1 قىركۇيەكتەن باستاپ ەلوردادا ارناۋلى ورتا ءبىلىم بەرۋ سالاسىندا جاڭا جۇيە ىسكە قوسىلادى. بۇل تۋرالى استانا قالاسى ءبىلىم باسقارماسىنىڭ باسشىسى قاسىمحان سەنعازييەۆ تولىعىراق ايتىپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بيىل العاش رەت كوللەدجدەردە 10-11 سىنىپ وقۋشىلارىنا ارنالعان ەكسپەريمەنتتىك ءبىلىم بەرۋ باعدارلاماسى بويىنشا قابىلداۋ جۇرگىزىلدى. ناتيجەسىندە 270 وقۋشى قابىلداندى. ولار 1،5 جىلدان كەيىن ءبىلىم تۋرالى اتتەستاتپەن قاتار جۇمىس بىلىكتىلىگى بار ديپلوم الىپ شىعادى»،- دەدى قاسىمحان سەنعازييەۆ استانا قالاسى كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ءبىلىم باسقارماسى باسشىسىنىڭ مالىمەتىنشە، ەلوردادا 33 كوللەدج بار. وندا 75 ماماندىق جانە 122 بىلىكتىلىك بويىنشا كادر دايارلانادى. بيىل ەلوردا كوللەدجدەرىندە وقۋعا 11 937 ءوتىنىش تسۇكەن.
ايتا كەتەيىك، بۇگىن ەلوردادا جاڭا وقۋ جىلىنا دايىندىق بارىسى پىسىقتالدى. قالالىق ءبىلىم باسقارماسىنىڭ باسشىسى ءبىلىم بەرۋ ۇيىمدارى قاۋىپسىزدىك قۇرالدارىمەن تولىق قامتىلعان دەپ سەندىردى.
سونداي-اق بريفينگ بارىسىندا مەكتەپكە قۇجات تاپسىرىپ ۇلگەرمەگەن جاعدايدا نە ىستەۋ كەرەكتىگى ءتۇسىندىرىلدى.