كونكۋرس ءۇش كەزەڭنەن تۇرادى.
«ۇزدىك پەداگوگ» اتاعىنىڭ يەگەرلەرىنە 3،5 ملن تەڭگە سىياقى بەرىلەدى، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
قازاقستاندا "ۇزدىك پەداگوگ" رەسپۋبليكالىق بايقاۋى باستالدى.
بايقاۋعا مەنشىك نىسانىنا جانە ۆەدومستۆولىق باعىنىستىلىعىنا قاراماستان بارلىق مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ ۇيىمىنىڭ شتاتتىق پەداگوگتارى قاتىسا الادى.
كونكۋرس ءۇش كەزەڭنەن تۇرادى: اۋداندىق، وبلىستىق جانە رەسپۋبليكالىق.
ۇمىتكەردىڭ پەداگوگيكالىق قىزمەتتە جوعارى جەتىستىكتەرى جانە كونكۋرسقا قاتىسۋ كەزىندە كەمىندە بەس جىل ۇزدىكسىز پەداگوگيكالىق تاجىريبەسى بولۋى كەرەك.
"بايقاۋدىڭ ءبىرىنشى كەزەڭىنە قاتىسۋعا 1311 ءوتىنىم بەرىلگەن. قازىرگى ۋاقىتتا اۋداندىق/قالالىق كوميسسيا ولاردىڭ پورتفوليوسىن باعالاۋ جۇمىستارىن جۇرگىزىپ جاتىر"، - دەلىنگەن حابارلامادا.
ەكىنشى كەزەڭدە ءار اۋدان/قالادان 100 ۇپايدىڭ 80 پايىزىنان كەم ەمەس ۇپاي جيناعان 10 قاتىسۋشى تاڭدالادى. رەسپۋبليكالىق بايقاۋدىڭ ءۇشىنشى كەزەڭى بيىل قىركۇيەك ايىندا وتەدى.
رەسپۋبليكالىق كەزەڭنىڭ قورىتىندىسى بويىنشا 64 جەڭىمپاز "ۇزدىك پەداگوگ" كۋالىگىمەن، "ۇزدىك پەداگوگ" توسبەلگىسىمەن جانە 1 000 اەك (3 450 000 تەڭگە) اقشالاي سىيلىقپەن ماراپاتتالادى.