مەملەكەتتىك قىزمەتشىگە كازينوعا بارۋعا بولا ما؟ بۇل سۇراققا مەملەكەتتىك قىزمەت ىستەرى اگەنتتىگىنىڭ ءتوراعاسى دارحان جازىقبايەۆ جاۋاپ بەردى.
ءتوراعا مەملەكەتتىك قىزمەتشىلەردىڭ كازينو مەن قۇمار ويىنداردى ويناۋىنا قارسى ەكەنىن ايتتى، دەپ حابارلايدى Almaty-akshamy.kz
"اگەنتتىكتىڭ كوزقاراسى بويىنشا، ءبىز مەملەكەتتىك قىزمەتشىلەردىڭ كازينوعا بارۋىنا تىيىم (قارسىلىق) سالىپ جاتىرمىز. بۇل نورمانى (زاڭعا) ادەپ جاعىنان ەنگىزدىك. ءارى قاراي سىبايلاس جەمقورلىققا قارسى ءىس-قيمىل اگەنتتىگى زاڭعا بايلانىستى جۇمىستار جۇرگىزىپ جاتىر. وسى جۇمىستار جۇرگىزىلگەن سوڭ ناقتى اقپارات بەرىلەدى"، - دەپ مالىمدەدى دارحان جازىقبايەۆ ورتالىق كوممۋنيكاسيالار قىزمەتىندە وتكەن بريفينگتە.
ەسكە سالا كەتەيىك، قازاقستانداعى مەملەكەتتىك قىزمەتكەرلەر مەن اسكەري ماماندارعا ويىنحانالارعا بارۋعا تىيىم سالىنادى. جارلىققا ەنگىزىلگەن وزگەرىستەر "اشىق نقا" سايتىندا جاريالانعان بولاتىن.
قۇجات 28 تامىزعا دەيىن قوعامدىق تالقىلاۋعا ۇسىنىلدى.