وقۋشىلار جازدا مۇراجايلار مەن تەاترلارعا تەگىن كىرە الادى، - دەپ حابارلايدى aqshamnews.kz ءتىلشىسى.
ۇكىمەت وتىرىسىندا مادەنيەت جانە اقپارات ۆيسە-مينيسترى قانات ىسقاقوۆ بالالارعا ارنالعان جازعى دەمالىستى ۇيىمداستىرۋ بويىنشا جۇرگىزىلىپ جاتقان جۇمىستار تۋرالى باياندادى.
ول مادەنيەت جانە اقپارات مينيسترلىگىنە قاراستى مەكەمەلەر جازعى دەمالىستى ءتيىمدى ۇيىمداستىرۋ ماقساتىندا جاس ۇرپاقتىڭ مادەني جانە شىعارماشىلىق الەۋەتىن كەڭەيتۋگە باعىتتالعان اۋقىمدى ءىس-شارالار كەشەنىن ازىرلەگەنىن اتاپ ءوتتى.
مينيسترلىككە قاراستى 10 ءبىلىم ورداسىندا بۇگىندە 10 مىڭنان استام شاكىرت ءبىلىم الىپ جاتىر. بۇل ۇيىمداردا جاز مەزگىلىنە ارنالعان ارنايى مادەني-تانىمدىق باعدارلامالار بەكىتىلدى.
"جازدا ەلىمىزدىڭ بارلىق مەكتەپ وقۋشىلارىنا مۋزەيلەر مەن تەاترلارعا، وزگە دە مادەني مەكەمەلەرگە تەگىن كىرۋگە مۇمكىندىك جاسالىپ وتىر. بۇل ءاربىر بالاعا مادەني مۇرامەن ەتەنە تانىسىپ، رۋحاني بايي تۇسۋگە جول اشاتىن يگى باستاما"، — دەپ تولىقتىردى قانات ىسقاقوۆ.