قازاق پسيحواناليتيگى، عالىم جانە اعارتۋشى اننا كۋدياروۆانىڭ 70 جىلدىق مەرەيتويىنا وراي «پسيحواناليز ومىردە. ءومىر پسيحواناليزدە» اتتى حالىقارالىق كونفەرەنسيا وتەدى. بۇل ءىس-شارا الەمنىڭ تۇكپىر-تۇكپىرىنەن جەتەكشى مامانداردى بىرىكتىرەدى.
اننا كۋدياروۆا — پسيحواناليز سالاسىنداعى تۇڭعىش قازاق ماماندارىنىڭ ءبىرى، پسيحوتەراپيا مەن ءپسيحواناليزدى قازاقستاندا جانە ورتالىق ازيادا دامىتۋدا ۇلكەن ءرول اتقارعان تۇلعا. ول — پسيحواناليز جانە پسيحوتەراپيا ينستيتۋتىنىڭ نەگىزىن قالاۋشى، بىرنەشە بۋىن تەراپيەۆت مامانداردى تاربيەلەگەن ۇستاز. ونىڭ عىلىمي جانە تاجىريبەلىك ەڭبەكتەرى ادامنىڭ ىشكى الەمىن تەرەڭ تۇسىنۋگە، مادەنيەتارالىق ديالوگ ورناتۋعا جانە ءپسيحواناليزدى قازاق قوعامىنىڭ ەرەكشەلىكتەرىنە بەيىمدەۋگە ارنالعان.
اننا كۋدياروۆا – پسيحواناليتيكالىق ويدى كەڭىنەن تاراتىپ، بۇل باعىتتى كاسىبي جانە قوعامدىق دەڭگەيدە نىعايتۋعا زور ۇلەس قوسقان كورنەكتى عالىم ءارى اعارتۋشى.
باعدارلاما اياسىندا قازىرگى پسيحواناليز تەورياسى مەن تاجىريبەسىندەگى وزەكتى ماسەلەلەر بويىنشا باياندامالار مەن پىكىرتالاستار وتەدى. كونفەرەنسياعا اقش، دانيا، يتاليا، رەسەي، قىرعىزستان جانە قازاقستاننان تانىمال ساراپشىلار قاتىسادى.
سپيكەرلەر قاتارىندا — اننا كۋدياروۆانىڭ ارىپتەستەرى مەن شاكىرتتەرى، تانىمال پسيحواناليتيكتەر، وقىتۋشىلار مەن زەرتتەۋشىلەر بار. ولار ءپسيحواناليزدىڭ ورتالىق ازياداعى دامۋىنا ولشەۋسىز ۇلەس قوسقان تۇلعامەن كاسىبي جولدا كەزدەسكەن.
وتەتىن كۇنى:
23 مامىر 2025 جىل — ونلاين
24 مامىر 2025 جىل — الماتى قالاسىنداعى وففلاين كەزدەسۋ /Almaty Resort المەرەك /
ۇيىمداستىرۋشىلار:
ورتالىق ازيا پسيحواناليز ينستيتۋتى
حالىقارالىق پسيحواناليتيكالىق قاۋىمداستىق
كونفەرەنسيا تاقىرىپتارى كەڭ اۋقىمدى قامتيدى — كلينيكالىق تاجىريبەدەن باستاپ تەراپيالىق ۇدەرىستەگى وزگەرىستەرگە، ءپسيحواناليزدىڭ مادەني قىرلارى مەن قازىرگى قوعامداعى رولىنە دەيىن.
اننا كۋدياروۆا — قازاقستانداعى ءپسيحواناليزدىڭ نەگىزىن قالاۋشىلاردىڭ ءبىرى، كوپتەگەن عىلىمي ەڭبەكتەردىڭ اۆتورى، تۇتاس تەراپيەۆتتەر بۋىنىنا جول اشقان ۇستاز. ونىڭ پسيحواناليتيكالىق ءبىلىم بەرۋ، عىلىمارالىق ديالوگ پەن پسيحوتەراپيا مادەنيەتىن دامىتۋداعى ءرولى ەل ىشىندە عانا ەمەس، حالىقارالىق دەڭگەيدە دە جوعارى باعالانادى.
كونفەرەنسياعا قاتىسۋ — الدىن الا تىركەۋ ارقىلى.
بايلانىس اقپاراتى، باعدارلاما جانە تىركەۋ فورماسى:
+7 747 955 69 44