621 مىڭنان استام ادام باسپانا كەزەگىندە تۇر.
قازاقستاندا 61 مىڭ جەتىم بالا باسپانا كەزەگىندە تۇر. بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى باۋىرجان قابدول ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىنگى تاڭدا ەلىمىز بويىنشا 621 مىڭنان استام ادام باسپانا كەزەگىندە تۇر. ونىڭ ىشىندە 432 مىڭى - الەۋمەتتىك وسال جاعدايداعى ادامدار. بۇلاردىڭ ىشىندە ەڭ وسال جانە تۇرعىن ءۇي ماسلەلەرىن شەشۋگە اسا مۇقتاج ادامداردىڭ ءتورت باسىم ساناتى بار»،- دەدى ول ورتالىق كوممۋنيكاسيادار قىزمەتىندە وتكەن بريفينگىدە.
كوميتەت وكىلى اتالعان 4 باسىم ساناتتىڭ ءارقايسىسى بويىنشا قانشا ادام باسپانا كەزەگىندە تۇرعانىن اتادى.
«ءبىرىنشىسى – كوپ بالالى وتباسىلار. ولار – 91 مىڭ ازامات. ەكىنشىسى – ءبىرىنشى جانە ەكىنشى توپتاعى مۇگەدەكتىگى بار ادامدار. مۇنداي 51 مىڭ ازامات بار. ءۇشىنشىسى – مۇگەدەكتىگى بار بالاسى بار وتباسىلار، 24 مىڭ ازامات كەزەكتە تۇر. ءتورتىنشىسى – جەتىم بالالار، 61 مىڭ ازامات تۇر»، - دەدى باۋىرجان قابدول.