دەنساۋلىق مينيسترلىگى جىل سايىنعى مەديسينالىق تەكسەرۋدىڭ قورىتىندىسى وسىنداي دەيدى.
ايتا كەتۋ كەرەك، مەكتەپ جاسىنداعى بالالار مينيسترلىكتىڭ 2020 جىلعى بۇيرىعىنا سايكەس پروفيلاكتيكالىق مەديسينالىق قاراپ-تەكسەرۋلەردەن وتەدى. ماسەلەن، ساليدات قايىربەكوۆا اتىنداعى دەنساۋلىق ساقتاۋدى دامىتۋدىڭ ۇلتتىق عىلىمي ورتالىعىنىڭ جەدەل اقپاراتىنا سايكەس، بىلتىر پروفيلاكتيكالىق مەديسينالىق قاراپ-تەكسەرۋلەردەن 5 جارىم ميلليوننا استام بالا ءوتتى. بۇل جىلدىق جوسپاردىڭ 92،1% ەكەن.
ناتيجەسىندە، ەڭ كوپ كەزدەسكەنى – اس قورىتۋ جۇيەسىندەگى اۋرۋلار، ودان كەيىنگى ورىندا قان اۋرۋلارى بولسا، ءۇشىنشى ورىندا تىنىس الۋ جۇيەسىندەگى اۋرۋلار تۇر. ال، وسى جىلدىڭ ءبىرىنشى جارتى جىلدىعىنىڭ قورىتىندىسى بويىنشا جىلدىق جوسپارداعى بالالاردىڭ 52 پايىزى تەكسەرىلدى.