وقىس وقيعا 14 قىركۇيەكتە الماتى وبلىسىندا پاراشيۋتپەن جوسپارلى سەكىرۋ وقۋ-جاتتىعۋىن ورىنداۋ كەزىندە بولعان.
قازا تاپقان قارۋلى كۇشتەردىڭ اسكەري قىزمەتشىسى، كاپيتان شەندى، 1990 جىلى دۇنيەگە كەلگەن وفيسەر، دەپ حابارلايدى Almaty-akshamy.kz ق ر قورعانىس مينيسترلىگىنە سىلتەمە جاساپ.
مينيسترلىك وكىلىنىڭ ايتۋىنشا، قازاق تاپقان وفيسەر بۇدان بۇرىن 50 رەت پاراشيۋتپەن سەكىرگەن. شتاتتان تىس پاراشيۋتتى-دەسانت قۇتقارۋشىلار توبىنىڭ قۇرامىنا كىرگەن. قايعىلى جاعدايدىڭ ءمان-جايى انىقتالۋدا. تۋىستارىنىڭ ءوتىنىشى بويىنشا وزگە اقپارات جاريا ەتىلمەيدى.
«قورعانىس مينيسترلىگىنىڭ باسشىلىعى جانە قارۋلى كۇشتەردىڭ جەكە قۇرامى قازا بولعان اسكەري قىزمەتشىنىڭ جاقىندارى مەن تۋىستارىنا قايعىرىپ كوڭىل ايتادى. قورعانىس مينيسترلىگى اسكەري قىزمەتشىنىڭ وتباسىنا كومەك كورسەتەدى»، -دەدى مينيسترلىكتىڭ وكىلى.