زۇلىمدىق نيەتپەن ادامدار قازاق اقىنىنىڭ ەسىمىن ساقتاپ، سىرتقى رەسۋرسقا سىلتەمە جاساعان.
ZHEST_KZ تelegram-ارناسىنىڭ حابارلاۋىنشا، 5-سىنىپقا ارنالعان قازاق ءتىلى وقۋلىعىنان بۋكمەكەرلىك كونتورا سايتىنا اپاراتىن سىلتەمە تابىلعان، دەپ حابارلايدى aqshamnews.kz
CMN.KZ اقپارات اگەنتتىگىنە رەسپۋبليكالىق عىلىمي-تاجىريبەلىك ءبىلىم مازمۇنىن ساراپتاۋ ورتالىعىنىڭ وكىلدەرى بەرگەن مالىمەتتەرگە سايكەس، بۇل وقۋلىق 2017 جىلى باسىلىپ شىققان «قازاق ءتىلى مەن ادەبيەتى. بايشەشەك» دەپ اتالادى.
«ەكىنشى بولىمىندە، 38-بەتتە، اقىن قالقامان ءساريننىڭ سايتىنا سىلتەمە بولعان (https://kalkamansarin.kz). وقۋلىق شىققان كەزدە بۇل سىلتەمە اۆتوردىڭ شىعارماشىلىعىنا ارنالعان رەسمي رەسۋرسقا اپارعان ەدى»، — دەپ ءتۇسىندىردى ورتالىق ماماندارى.
الايدا، كەيىن سايتقا كيبەرشابۋىل جاسالعانى بەلگىلى بولدى.
«الاياقتار سىلتەمەنى پايدالانىپ، وزدەرىنىڭ پايداسىنا شەشكەن. ولار تاۋار تاڭباسىن زاڭسىز پايدالاندى»، — دەپ حابارلادى ورتالىقتىڭ باسپا ءسوز قىزمەتى.
ولاردىڭ ايتۋىنشا، ماسەلە ءقازىر شەشىلدى جانە سايت قالىپتى جۇمىس ىستەپ تۇر. سونداي-اق، 2025 جىلى وقۋلىق قايتا باسىلىپ شىعادى، ال ونىڭ مازمۇنى قايتا قارالادى.