وقۋ-اعارتۋ مينيسترلىگى 5 قازان ۇستازدار كۇنىنە وراي «دانالىق ۇستازدان» چەللەندجىن جاريالايدى.
بۇل شارا پەداگوگتەرگە قۇرمەت پەن العىس بىلدىرۋگە، سونداي-اق «ءبىرتۇتاس تاربيە» باعدارلاماسى اياسىندا وسكەلەڭ ۇرپاقتىڭ بويىندا رۋحاني-ادامگەرشىلىك قاسيەتتەرىن قالىپتاستىرۋعا باعىتتالعان، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
«ۇستاز تەك ءبىلىم بەرۋشى عانا ەمەس، سونىمەن قاتار قوعامدا ەڭبەكقورلىق، جاۋاپكەرشىلىك، مەيىرىمدىلىك، ادالدىق جانە تاربيەلىلىك سىندى قاسيەتتەردى قالىپتاستىراتىن كوشباسشىلىقتىڭ ۇلگىسى. «دانالىق ۇستازدان» چەللەندجى پەداگوگتەردىڭ ۇرپاققا سىڭىرگەن ەڭبەگىنە ريزاشىلىعىمىز بەن قۇرمەتىمىزدى كورسەتەدى»، - دەيدى تاربيە جۇمىسى جانە قوسىمشا ءبىلىم بەرۋ دەپارتامەنتىنىڭ ديرەكتورى مەرۋەرت مەدەتبەكوۆا.
سىزدەر دە سۇيىكتى ۇستازىڭىز تۋرالى قىسقاشا بەينەروليك نەمەسە قۇتتىقتاۋ لەبىزىڭىزدى الەۋمەتتىك جەلىدە جاريالاي وتىرىپ، ءبىلىم بەرگەن ۇستازىڭىزعا العىس بىلدىرە الاسىزدار. سونداي-اق ەلىمىزدە «قالىقتا، ءانىم، ۇستازىم دەپ!» تاقىرىبىندا چەللەندج وتەدى. 3 قازان كۇنى ساعات 12:00-دە ءبىلىم بەرۋ ۇيىمدارىنىڭ وقۋشىلارى «ۇستازىم» ءانىن ءبىر مەزگىلدە ورىندايدى.
بارلىق نيەت بىلدىرۋشىلەر الەۋمەتتىك جەلىلەردە ۇستازدارعا ارناعان قۇتتىقتاۋ بەينەروليكتەرىن #ءبىرتۇتاس_تاربيە جانە #دانالىق_ۇستازدان ح