الماتىدا 1 قازاننان باستاپ قالالىق سۋبۇرقاقتاردىڭ جۇمىس ماۋسىمى اياقتالدى. سۋىق اۋا رايىنىڭ باستالۋىنا بايلانىستى قىزمەت كورسەتەتىن كومپانيانىڭ ماماندارى كۇزگى-قىسقى كەزەڭدە سۋبۇرقاق جابدىقتارىن ساقتاۋ پروسەسىنە كىرىستى، دەپ حابارلايدى aqshamnews.kz
كونسەرۆاسيالاۋ جۇمىستارى ەكى كەزەڭدە جۇرگىزىلەدى. ءبىرىنشى كەزەڭدە سۋبۇرقاقتاردان سۋ اعىزىلادى، قۇبىر جۇيەلەرى ۇرلەنەدى، سۋبۇرقاقتاردىڭ توستاعاندارى مۇقيات تازالانادى. بۇدان ءارى ونى تەكسەرۋ جانە جوندەۋ-قالپىنا كەلتىرۋ جۇمىستارىن جۇرگىزۋ ءۇشىن جابدىقتى بولشەكتەۋ، ونىڭ ىشىندە ىستەن شىققان اگرەگاتتاردى اۋىستىرۋ جۇرگىزىلەدى. بۇل ءىس-شارالار ءداستۇرلى تۇردە مامىر ايىنىڭ باسىندا باستالاتىن جاڭا ماۋسىمعا سۋبۇرقاقتاردى دايىنداۋعا باعىتتالعان.
سونىمەن قاتار، كەلەسى ماۋسىمنىڭ باسىنا دەيىن قىزمەت كورسەتەتىن كومپانيانىڭ قىزمەتكەرلەرى سۋبۇرقاق توستاعاندارىنا شاعىن جوندەۋ جۇمىستارىن جۇرگىزەدى. قىس مەزگىلىندە سۋبۇرقاقتار مەن ولارعا ىرگەلەس اۋماقتاردىڭ سانيتارلىق جاعدايىن، سونىڭ ىشىندە پاراپەتتەن ءبىر مەتر راديۋستا قوقىس پەن قاردان تازارتۋ جوسپارلانۋدا.
ەستەرىڭىزگە سالا كەتەيىك، الماتى قالاسىندا 66 كوممۋنالدىق سۋبۇرقاق جۇمىس ىستەيدى. ولار جىل سايىن 1 مامىردا ىسكە قوسىلادى جانە 1 قازاندا وشىرىلەدى.