وقۋ-اعارتۋ ۆيسە-مينيسترى ەدىل وسپان ءماجىلىس كۋلۋارىندا وقۋشىلار اراسىنداعى بۋللينگپەن كۇرەس قالاي ۇيىمداستىرىلاتىنىن ايتتى.
ول ءۇشىن مينيسترلىك بالالارعا ارنالعان SIM-كارتا ۇسىنىپ وتىر، دەپ حابارلايدى Almaty-akshamy.kz 24.kz-كە سىىلتەمە جاساپ.
«بالالارعا ارنالعان جەكە SIM-كارتا كەرەك. ول اتا-انالاردىڭ باقىلاۋىندا بولادى. بالا سول SIM-كارتا ارقىلى ينتەرنەتكە قوسىلسا، مىندەتتى تۇردە اتا-انالاردىڭ رۇقساتى سۇرالادى. ءبىز وسىنداي جۇيەنى ەنگىزۋدى ۇسىنىپ وتىرمىز. بۇل بالانىڭ ينتەرنەتتە قانداي سايتقا كىرگەنىن، قانداي الەۋمەتتىك جەلىدە وتىرعانىن باقىلاۋعا مۇمكىندىك بەرەدى. تاعى ءبىر ماسەلە، ول كارتا ارقىلى بالانىڭ ينتەرنەتكە كىرەتىن ۋاقىتىن شەكتەي الامىز. كەيدە بالا ءتۇن ورتاسىندا ينتەرنەتتە وتىراتىن جايتتار بولادى»، - دەدى ۆيسە-مينيستر. ەكراننىڭ جانىپ تۇراتىن ۋاقىتىن دا شەكتەۋگە بولادى. مىنە، ءبىز وسىنى ۇسىنعىمىز كەلەدى. مۇنىڭ تەحنيكالىق جاعى بار. ءبىز وقۋ-اعارتۋ مينيسترلىگى رەتىندە وسىنى ۇسىنامىز»، - دەدى ەدىل وسپان.