ەرتەڭ جەتىسۋ جانە تۇركسىب اۋداندارىنىڭ كەي كوشەلەرىندە سۋىق سۋ بولمايدى

سەبەپ – سۋىق سۋ جەلىلەرىندەگى اپات.

جەتىسۋ جانە تۇركسىب اۋداندارىنىڭ ءبىرشاما كوشەلەرىندە سۋىق سۋدىڭ بولماۋىنا بايلانىستى «الماتى سۋ» كەلتىرىلگەن قولايسىزدىقتار ءۇشىن كەشىرىم سۇرايدى، دەپ حابارلايدى Almaty-akshamy.kz

21 ءساۋىر ساعات 16:00 دەن باستاپ رىسقۇلوۆ داڭعىلىنان باتىس باعىتقا قاراي ورنالاسقان گەرسەن كوشەسىنىڭ قيىلىسىمەن كولىك جولىنىڭ ەكى جولاعى ۋاقىتشا جابىلادى.

ءسۇيىنباي-رىسقۇلوۆ داڭعىلى - شەمياكين-حمەلنيسكيي، رىسقۇلوۆ داڭعىلى - پاركوۆايا - قۇلىنشاق – بايىشيەۆ كوشەلەرىنىڭ قيىلىسىندا ورنالاسقان اكىمشىلىك عيماراتتار مەن تۇرعىن ۇيلەرگە سۋ بەرۋ ۋاقىتشا شەكتەلەدى. 21 ءساۋىر كۇنى ساعات 23:00-گە دەيىن سۋ بەرۋ جوسپارلانۋدا.

«الماتى سۋ» مكك اپاتتىق بريگاداسى گەرسەن كوشەسىندە D-500 مم قۇرايتىن ماگيسترالدىق سۋ قۇبىرىندا اپاتتىق قالپىنا كەلتىرۋ جۇمىستارىن جۇرگىزۋدە. توتەنشە جاعدايدى جويۋعا 12 تەحنيكا جۇمىلدىرىلدى.

گەرسەن كوشەسى ارقىلى وتەتىن ماگيسترالدىق سۋ قۇبىرى 1962 جىلى پايدالانۋعا بەرىلىپ، قالانى سۋمەن قامتاماسىز ەتۋ ماقساتىندا 60 جىل جۇمىس ىستەپ توزىعى جەتكەن.

الماتى قالاسىنىڭ قولدانىستاعى جەلىلەرى مەن نىساندارى ايتارلىقتاي توزىعى جەتكەن. سۋ قۇبىرى جەلىلەرىنىڭ جالپى ۇزىندىعى 3528 شاقىرىم، ونىڭ ىشىندە 1941،2 شاقىرىمىنا قايتا جوندەۋ جۇمىستارى قاجەت.

ديسپەچەرلىك قىزمەت 274-66-66، +77718529101.