بۇل تۋرالى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ مالىمدەدى.
ۇتو باسشىسى سافي وتەبايەۆ اتىنداعى اتىراۋ مۇناي جانە گاز ۋنيۆەرسيتەتىنىڭ بازاسىندا اتىراۋ قالاسى مەكتەپتەرىنىڭ تۇلەكتەرىمەن كەزدەسۋ وتكىزىپ، مەندەلەيەۆ (حيميالىق ەلەمەنتتەردىڭ پەريودتىق جۇيەسى) جانە تۇزدار ەرىگىشتىگى كەستەسىنىڭ باسىپ شىعارىلعان نۇسقاسىن كورسەتتى، دەپ حابارلايدى Almaty-akshamy.kz E
«بارشاڭىزعا ءمالىم، «حيميا» ءپانىن تاپسىرۋشىلارعا مەندەلەيەۆ جانە تۇزدار ەرىگىشتىگى كەستەسى كومپيۋتەردە بەرىلەدى. الايدا تۇلەكتەر ونىڭ قاعاز نۇسقاسىن پايدالانۋعا رۇقسات سۇرادى. وسىعان دەيىن ايتقانىمداي، ءبىز 2023 جىلعى ۇبت-دا تەستىلەنۋشىلەردىڭ قالاۋى بويىنشا كەستەلەردىڭ قاعاز نۇسقاسىن بەرۋ تۋرالى شەشىم قابىلدادىق»، دەپ اتاپ ءوتتى رۋسلان ەمەلبايەۆ.
ۇتو ديرەكتورىنىڭ ايتۋىنشا، تالاپكەرلەر كەستەنىڭ ەلەكتروندىق نەمەسە قاعاز فورماتىن دا قولدانا الادى. سونداي-اق ول تالاپكەرلەرگە قاعاز نۇسقاسىن تەست اكىمشىلەرى ۇبت-نىڭ وزىندە بەرەتىنىن ەسكەرتتى.
ەستەرىڭىزگە سالا كەتەيىك، تەستىلەۋ كەزىندە بارلىق تالاپكەر ءۇشىن كومپيۋتەر ەكرانىندا «ماتەماتيكالىق ساۋاتتىلىق»، «ماتەماتيكا»، «ينفورماتيكا»، «فيزيكا»، «حيميا» جانە «گەوگرافيا» پاندەرى بويىنشا ەسەپتەردى شەشۋ ءۇشىن كالكۋلياتور قولجەتىمدى بولادى.