وسى جيىننىڭ نەگىزىندە ارنايى وڭىرلىك باعدارلاما قابىلدانادى.
عاني بەيسەمبايەۆ سولتۇستىك قازاقستان، قىزىلوردا، جامبىل، ماڭعىستاۋ، باتىس قازاقستان، پاۆلودار جانە ۇلىتاۋ وبلىستارىنىڭ اكىمدەرىمەن كەزدەسۋ وتكىزدى، دەپ حابارلايدى Almaty-akshamy.kz
كەزدەسۋدە وڭىرلەردە ءبىلىم بەرۋ ساپاسىن ارتتىرۋ، وسكەلەڭ ۇرپاقتى تاربيەلەۋ، بالالاردىڭ قاۋىپسىزدىگىن قامتاماسىز ەتۋ جانە وقۋشىلاردى تەگىن ىستىق تاماقپەن قامتۋ ماسەلەلەرى تالقىلاندى.
«كەزدەسۋ بارىسىندا وقۋ-اعارتۋ ءمينيسترى مەن ءبىرقاتار وڭىرلەردىڭ اكىمدەرى مەملەكەت باسشىسىنىڭ تاپسىرماسى بويىنشا ازىرلەنگەن «جايلى مەكتەپ» جوباسى اياسىندا جاڭا مەكتەپتەر سالۋ ماسەلەلەرىن تالقىلادى. تاراپتار وقۋشى ورىندارىنىڭ تاپشىلىعىن، ءۇش اۋىسىمدى جانە اپاتتى مەكتەپتەردى جويۋ ءۇشىن ءبىلىم بەرۋ وبەكتىلەرىن ۋاقىتىلى قولدانىسقا بەرۋدىڭ ماڭىزىن اتاپ ءوتتى»، - دەپ حابارلادى ق ر وقۋ-اعارتۋ مينيسترلىگىنىڭ باسپا ءسوز قىزمەتى.
وقۋ-اعارتۋ ءمينيسترى مەن ءوڭىر باسشىلارى ءبىلىم بەرۋ سالاسىنا قاتىستى ماسەلەلەردى شەشۋ ءۇشىن بەلسەندى ءوزارا ءىس-قيمىل جاساۋ تۋرالى كەلىستى.
وبلىس اكىمدەرىمەن كەزدەسۋ قورىتىندىسى بويىنشا وقۋ-اعارتۋ مينيسترلىگى ءار ايماقتا ءبىلىم بەرۋدى دامىتۋدىڭ بىرلەسكەن ارنايى وڭىرلىك باعدارلاماسىن قابىلدايدى.