نوۋتبۋكتىڭ بۇزىلۋىنا اكەلەتىن زياندى ادەتتەر قانداي؟

نوۋتبۋكتىڭ ىستەن شىعۋىنا اسەر ەتەتىن زياندى ادەتتەر بارشىلىق.

ولاردىڭ كەيبىرەۋىن Telecom Daily اگەنتتىگىنىڭ باس ديرەكتورى دەنيس كۋسكوۆ اتادى، دەپ حابارلايدى Almaty-akshamy.kz.

ماماننىڭ ايتۋىنشا، نوۋتبۋكتى جۇمساق جيھاز ۇستىنە نەمەسە كورپە سياقتى ماتادان تىگىلگەن بۇيىمداردىڭ ۇستىنە قويماعان ءجون. سەبەبى ماتا نوۋتبۋكتىڭ ءتيىمدى سالقىنداۋىنا مۇمكىندىك بەرمەيدى، ونىڭ سالدارىنان قۇرىلعى قىزىپ كەتەدى. 

سونىمەن بىرگە، ساراپشى نوۋتبۋكتى ۇقىپتاپ ۇستاۋعا كەڭەس بەردى، ول ونى شايقاۋعا، ءتىپتى جۇمساق جەرگە لاقتىرا سالۋعا بولمايتىنىن ايتتى. 

دەنيس كۋسكوۆ نوۋتبۋك الدىندا وتىرىپ الىپ، تاماق ىشىپ-جەۋگە بولمايتىنىن دا ەسكەرتتى. سونداي بولعاننىڭ وزىندە قۇرىلعىعا سۋ تيگەن بولسا، ونىڭ ودان ارى قىزمەت ەتۋى مۇمكىن. ءبىراق نوۋتبۋكقا ءشاي، كوفە نەمەسە قانتتى سۋسىن توگىلگەن بولسا، توتىعۋ سالدارىنان، ونىڭ ىستەن شىعۋىنا الىپ كەلەدى. بۇل جاعدايدا تەحنيكانى قالپىنا كەلتىرۋ وتە قيىن جانە جوندەۋگە جۇگىنۋگە تۋرا كەلەدى. 

ماماننىڭ بەرگەن تاعى ءبىر كەڭەسى - نوۋتبۋكتى قۋاتى تاۋسىلعانشا قولدانباۋ. ۇنەمى قۋاتى بىتكەنشە قولداناتىن بولسا، قۇرىلعىنىڭ باتارەياسى جارامسىز بولىپ قالادى. كوبىنە قۋاتى تاۋىسىلىپ بارا جاتقاندا، ەكراندا 10-15 پايىز قۋاتى قالدى دەپ ەسكەرتۋ شىعادى. سونداي كەزدە ونى بىردەن قۋاتتاۋ ءۇشىن قويعان دۇرىس.