ەلىمىزدە پياز باعاسىن قالاي تۇراقتاندىرۋعا بولادى؟

بۇل سۇراققا اۋىل شارۋاشىلىعى ءمينيسترى ەربول قاراشوكەيەۆ جاۋاپ بەردى.

ءبىر اپتادا پياز باعاسى 5،5%-عا قىمباتتادى، دەپ حابارلايدى Almaty-akshamy.kz مينيسترلىك مالىمدەمەسىنە سىلتەمە جاساپ.

بيىل ەلىمىزدە 1،1 ملن توننا پياز وندىرىلگەن. تۇتىنۋ كولەمى – 300 توننا.

«بىلتىر 800 مىڭ توننا پياز وزىمىزگە دە، ەكسپورتتاۋعا دا تولىق جەتتى. بيىل الەم بويىنشا وتە قيىن جاعداي تۋىنداپ تۇر. نەگىزگى پياز ءوندىرۋشى ەلدەر ءتۇرلى تابيعي سەبەپتەرگە بايلانىستى جىلداعى كولەمدى بەرە المادى. مىسالى، پاكىستاندا قيىندىقتار بار. بۇل ەل پيازدىڭ الەمدىك قويماسى سانالادى. الايدا وندا سۋ تاسقىنى، قۋاڭشىلىق بولدى... ءقازىر قازاقستاندا پيازدىڭ 100 مىڭ توننادان اسا قورى بار. ەرتە پىسەتىن پياز جەتكىزىلگەنشە، كوكتەمگە دەيىن وسى پيازدى ساقتاۋىمىز كەرەك. وسىعان بايلانىستى ۆەدومستۆوارالىق كوميسسيا پيازدى سىرتقا شىعارۋعا شەكتەۋ قويدى»، - دەدى ەربول قاراشوكەيەۆ.

ونىڭ ايتۋىنشا، شەكتەۋ مەرزىمى – 3 اي.

«نارىقتاعى جاعداي وزگەرمەسە، 6 ايعا دەيىن سوزىلۋى مۇمكىن. ءبىراق اي سايىن جاعدايدى باقىلاپ وتىرامىز. ءبىزدىڭ وندىرۋشىلەر پيازدى سىرتقا جاقسى باعامەن ەكسپورتتاعان. پيازدىڭ باعاسى – كوتەرمە دەڭگەيمەن كەلىسىنە 150-170 تەڭگە. ال رەسەي، وزبەكستاندا كوتەرمە باعانىڭ ءوزى 240 تەڭگەدەن اسىپ كەتكەن. سوندىقتان پياز باعاسىن تۇراقتى ساقتاۋ ءۇشىن ونى سىرتقا شىعارۋعا شەكتەۋ قويىلدى. ءقازىر 3 ايعا شەكتەۋ ەنگىزىلگەن. نارىقتاعى جاعداي وزگەرسە، سوعان سايكەس ارەكەت ەتەمىز»، - دەدى مينيستر.

ساۋدا جانە ينتەگراسيا مينيسترلىگىنىڭ مالىمەتىنشە، ەلىمىزدە ءبىر اپتادا پياز 5،5% قىمباتتاعان.

«وتكەن اپتادا كوكونىستەردىڭ باعاسى ءوستى. پياز باعاسى – 5،5%، ءسابىز – 1،3%، كارتوپ 1% كوتەرىلدى»، - دەپ جازىلعان حابارلامادا.