وقيعالاردىڭ حرونولوگياسى، ق ر ءىىم نۇسقاسى

- كۇدىكتى شەرزات پولاتتىڭ اكەسى قارجاۋباي نۇرىموۆ تۇرعان دۇكەنگە كىرگەن.
- كۇدىكتى ەكى بوتەلكە سىرا مەن ءتورت قوراپ تەمەكى ساتىپ الىپ، تولەم چەگىن كورسەتكەن.
- قارجاۋباي تەلەفون ارقىلى اقشانىڭ تۇسكەنىن تەكسەرىپ، باستاپقىدا تولەم كەلمەگەنىن ايتقان، ءبىراق ءبىر مينۋتتان كەيىن ترانزاكسيانى راستاعان.
- كۇدىكتى تاعى ءبىر بوتەلكە سىرا الىپ، 1000 تەڭگە قولما-قول اقشا تولەگەن، شامامەن 500 تەڭگە قايتارىلعان.
- ساتىپ الۋشى مەن ساتۋشى اراسىندا ەشقانداي جانجال بولماعانى انىق، ەكەۋى بىر-بىرىنە ىمداسقان.
- كەيىن كۇدىكتى قايتا ورالىپ، تەلەفونىن زاريادقا قويۋدى سۇراعان.
- ءتورت مينۋت وتكەن سوڭ كۇدىكتى تەلەفونىن الىپ كەتۋگە قايتىپ كەلگەن.
- شەرزاتتىڭ اكەسى كوشەدەگى شۋدى ەستىپ، دۇكەننىڭ الدىنداعى باسپالداققا شىققان.
- كامەرالار كۇدىكتىنىڭ قانعا بويالعان بەتىمەن جۇرگەنىن، ال كادردا ونىڭ ارتىندا ولتىرىلگەن ادامنىڭ پايدا بولعانىن ءتۇسىرىپ العان.
- قارجاۋباي نۇرىموۆ كۇدىكتىنىڭ قولىنان ۇستاپ، بالاسىنا ەسكەرتۋ جاساعان. كەيىن قولىنا سۋ الىپ شىعىپ، كۇدىكتىنىڭ قانىن جۋىپ جىبەرۋىنە كومەكتەسكەن.
- ودان كەيىن كۇدىكتى دۇكەنگە كىرىپ، شەرزاتتىڭ اكەسىمەن تەلەفونداعى ءبىر نارسەنى كورسەتىپ، سوزگە كەلىسە باستاعان.
- شەرزاتتىڭ اكەسى دۇكەننەن پىشاق الىپ، كۇدىكتىگە قاراي جۇگىرگەن، ءبىراق ۇلى ونى توقتاتقان.
- كەيىن وقيعا ورنىنا ادامدار توبى كەلىپ جەتكەن. بەينەجازبادا ءبىر قىز ەر ادامداردى اجىراتىپ، ولاردىڭ ءبىرىن باسقا جاققا الىپ كەتكەنىن كورۋگە بولادى.