الماتىدا جىلىتۋ جانە ىستىق سۋمەن جابدىقتاۋ ءۇشىن كوممۋنالدىق كاسىپورىن الدىنداعى قارىزدارىن ايىپپۇلسىز وتەگىسى كەلەتىن جىلۋ ەنەرگياسىن تۇتىنۋشىلار ءۇشىن «قارىزدارىڭدى، ءوسىمپۇلدى ەسەپتەن شىعارامىز» اكسياسى ىسكە قوسىلدى.
اكسيا جىلۋدى پايدالانعانى (ىستىق سۋ، جىلۋ) ءۇشىن ۋاقتىلى تولەمەگەن جەكە تۇلعالارعا (تۇرمىستىق تۇتىنۋشىلارعا) قولدانىلادى، دەپ حابارلايدى aqshamnews.kz.
اكسياعا قاتىسۋ ءۇشىن وسى جىلدىڭ قازان ايىنان جەلتوقساننىڭ سوڭىنا دەيىن قارىزدى تولىق تولەپ، «الماتى جىلۋ جەلىلەرى» جشس-نە جازباشا وتىنىشپەن جۇگىنۋ قاجەت. وتىنىشكە پاتەرگە قۇقىق بەلگىلەيتىن قۇجاتتاردىڭ، جەكە كۋالىك جانە تولەم تۇبىرتەگىنىڭ (كاسسالىق چەك) كوشىرمەسىن تىركەۋ قاجەت.
ءوسىمپۇلدى ەسەپتەن شىعارۋ ىستىق سۋ مەن جىلىتۋ ءۇشىن بەرەشەكتى تولىق وتەگەن جاعدايدا عانا مۇمكىن بولادى.
كورسەتىلگەن قۇجاتتارمەن مىنا مەكەنجايدا ورنالاسقان تۇتىنۋشىلارعا قىزمەت كورسەتۋ ورتالىقتارىنىڭ بىرىنە (كقكو) جۇگىنۋ قاجەت:
- «باتىس» قكو (الاتاۋ، اۋەزوۆ جانە ناۋرىزباي اۋداندارىنا قىزمەت كورسەتەدى) – «اقساي-4» ش/ا، 51-ب، تەلەفوندارى: 341-05-30، 341-05-31، ە-mail: batys@alts.kz؛
- «ورتالىق» قكو (المالى جانە بوستاندىق اۋداندارىنا قىزمەت كورسەتەدى) - شاپىق شوكين كوشەسى، 221-ۆ، تەلەفوندارى: 341-05-28، 341-05-29، ە-mail: ortalyc@alts.kz؛
– «شىعىس» قكو (جەتىسۋ، مەدەۋ جانە تۇركسىب اۋداندارىنا قىزمەت كورسەتەدى)-تولەبايەۆ كوشەسى، تەلەفوندارى: 341-05-32، 341-05-33، ە-mail: shygis@alts.kz.
قكو-نا بارۋ مۇمكىندىگى بولماعان جاعدايدا قۇجاتتاردى ەلەكتروندىق پوشتاعا info@alts.kz. جىبەرۋگە بولادى.
سونداي-اق، 341-07-77 نومىرىنە قوڭىراۋ شالۋ ارقىلى اجج انىقتامالىق قىزمەتىنە حابارلاسۋ ارقىلى بەرەشەك تۋرالى اقپارات نەمەسە جىلۋ ەنەرگياسىن ەسەپتەۋ بويىنشا كەڭەس الۋعا بولادى. سونىمەن قاتار، WhatsApp ءنومىرى قولدانىلادى: +7 (701) 027-11-20 (تەك حابارلامالاردى قابىلداۋ ءۇشىن جۇمىس ىستەيدى).
ەستەرىڭىزگە سالا كەتەيىك، بەرەشەك تولەنبەگەن جاعدايدا، قارىزى بارلار جىلۋمەن جابدىقتاۋ قىزمەتتەرىنەن اجىراتىلادى، ال قارىزدار سوماسى سوت ارقىلى مۇلىككە جانە بانكتىك شوتتارعا تىيىم سالۋمەن وندىرىلەدى.