تالعار اۋدانىنىڭ پوليسيا باسقارماسى كەيبىر كۇدىكتىلەردىڭ پروباسيا قىزمەتىندە ەسەپتە تۇرعانى تۋرالى قاۋەسەتتەرگە بايلانىستى تەكسەرۋ جۇرگىزۋدى ۋادە ەتتى.
«پوليسيا جەدەل ارەكەت ەتتى. الدىمەن جەتى كۇدىكتى، كەيىن تاعى ءۇش ادام ۇستالدى. جەرگىلىكتى پوليسياعا تەكسەرۋ جۇرگىزىلۋدە، نەلىكتەن پروباسياداعى ادامدار تۇندە جۇرگەنىن انىقتاۋ كەرەك. „حۋتورسكيە“ قىلمىستىق توبى پوليسيا بازاسىندا جوق. ءقازىر شەرزاتتىڭ اكەسىنىڭ قولىندا پىشاققا ۇقساس زات بولعان-بولماعانى بويىنشا ساراپتاما جۇرگىزىلىپ جاتىر»، — دەپ مالىمدەدى ىشكى ىستەر ءمينيسترىنىڭ ورىنباسارى باۋىرجان الەنوۆ.
سونىمەن قاتار، الەنوۆ بۇل ءىستىڭ ەرەكشە باقىلاۋدا ەكەنىن ايتتى:
«الايدا، ءقازىر كوپتەگەن الىپ-قاشپا اڭگىمەلەر مەن جالعان اقپاراتتار تارالۋدا. بۇل تەرگەۋ توبىنىڭ جۇمىسىنا كەدەرگى كەلتىرەدى، ويتكەنى ولار ءقازىردىڭ وزىندە ۇلكەن قوعامدىق قىسىمعا ۇشىراۋدا. تەرگەۋ قۇپياسى بار، ءبىراق جالعان اقپاراتتىڭ تارالۋىن توقتاتۋ ءۇشىن ءبىز بۇگىن بريفينگ وتكىزۋگە شەشىم قابىلدادىق».