حالىققا جايلى قالالىق ورتا قۇرۋدىڭ العىشارتى بولعاندىقتان، المالى اۋدانى اۋلالاردى، كوشەلەردى، ساياباقتاردى، سكۆەرلەر مەن قوعامدىق ورىنداردى جۇيەلى تۇردە تازالاپ وتىرادى، - دەپ حابارلايدى aqshamnews.kz.
كوشەلەر مەن جولداردىڭ تازالىعىنا ءۇش مەردىگەر ۇيىم جاۋاپتى، ولار 110 كوشەنى قالىپقا كەلتىرىپ، جالپى ۇزىندىعى 186،6 شاقىرىم، اۋدانى 3،6 ميلليون شارشى مەتر بولاتىن جەردە جۇمىس ىستەيدى. 241 جۇمىسشى مەن 162 ارناۋلى تەحنيكاسى جانە بار. الماتى قالاسىنىڭ وڭىرلىك كوممۋنيكاسيالار قىزمەتىندە وتكەن باسپا ءسوز ءماسليحاتىندا المالى اۋدانىنىڭ اكىمى ارمان شامشين ازاماتتاردىڭ وتىنىشىنە جەدەل جاۋاپ بەرۋ ءۇشىن ءۇش جەدەل توپ قۇرىلعانىن دا حابارلادى.
اۋلالىق اۋماقتار دا قالا قىزمەتىنىڭ باقىلاۋىندا. اۋداندا بارلىعى 425 اۋلا بار، ولاردىڭ جالپى اۋدانى 3 ميلليون شارشى مەتر. اۋلالاردىڭ تازالىعىمەن بەس مەردىگەر ۇيىم اينالىسادى، جۇمىسقا 325 اۋلا قىزمەتكەرى مەن 45 ارناۋلى تەحنيكا تارتىلعان. سونىمەن قاتار، 2025 جىلى اۋلا تازالاۋعا ارنالعان اۆتوپاركتى تاعى 9 ارنايى تەحنيكامەن تولىقتىرماق.
اۋدانداعى جاسىل قوعامدىق كەڭىستىكتەرگە ەرەكشە نازار اۋدارىلعان. المالى اۋدانىندا 22 سكۆەر، 1 ساياباق، 5 بۋلۆار مەن 20 جاسىل ايماق ورنالاسقان. 113 جۇمىسشى مەن 25 ارناۋلى تەحنيكا وسى اۋماقتاردىڭ تازالىعىنا جاۋاپتى. اۋدان شىعىس جانە باتىس جاق بولىپ ەكىگە بولىنگەن، جاۋاپكەرشىلىكتى دە ەكى مەردىگەر ۇيىم موينىنا الىپتى.
شىعىس بولىككە، ونىڭ ىشىندە نازاربايەۆ داڭعىلى - اباي داڭعىلى - بايزاقوۆ - رايىمبەك كوشەلەرى ارالىعىنداعى اۋماققا جاۋاپتى «Get Target» ج ش س. بۇل اۋماقتا 16 سكۆەر، 4 بۋلۆار جانە 13 جاسىل ايماق بار. مۇندا 63 جول جۇمىسشىسى مەن 15 ارناۋلى تەحنيكا جۇمىس ىستەيدى.
ال باتىس بولىككە، بايزاقوۆ - اباي - سايران - رايىمبەك كوشەلەرى ارالىعىنا «سامعاۋ گرۋپپ» ج ش س جاۋاپتى. بۇل اۋماقتا 1 ساياباق، 6 سكۆەر، 1 بۋلۆار جانە 7 جاسىل ايماق ورنالاسقان. بۇل نىساندارا 50 ادام جۇمىس ىستەيدى، 10 تەحنيكاسى تاعى بار.
وسىلايشا، المالى اۋدانىنىڭ تازالىعىنا كۇن سايىن 700-دەن استام جۇمىسشى مەن 230-دان استام ارناۋلى تەحنيكا جۇمىلدىرىلىپتى.