الماتى وبلىسىنىڭ جولدارىندا بەينەباقىلاۋ كامەرالارىنان بولەك Sergek Patrol جۇيەسى ىسكە قوسىلدى، دەپ حابارلايدى aqshamnews.kz
الماتى وبلىسىنىڭ پوليسەيلەرى جول قاۋىپسىزدىگىن قامتاماسىز ەتۋ جانە جولدارداعى اپاتتاردى ازايتۋ ماقساتىندا يننوۆاسيالىق تەحنولوگيالاردى ەنگىزۋدە. جاساندى ينتەللەكتپەن جابدىقتالعان “Sergek Patrol” ءموبيلدى اپپاراتتىق-باعدارلامالىق كەشەنى ورناتىلعان پاترۋلدىك كولىكتەر پايدالانۋعا بەرىلدى.
– قازىرگى ۋاقىتتا ءموبيلدى كەشەن ەكى پاترۋلدىك كولىكتە ورناتىلعان، الداعى ۋاقىتتا ونى 10 كولىكتە پايدالانۋ جوسپارلانىپ وتىر. Sergek Patrol جىلدامدىقتى ارتتىرۋ، جول بەلگىلەرىن ساقتاماۋ جانە دۇرىس ەمەس تۇراق سياقتى ەرەجەلەردى اۆتوماتتى تۇردە انىقتايتىن جەتىلدىرىلگەن كامەرالار مەن رادارلارمەن جابدىقتالعان. جۇيەنى ەنگىزۋ جول قوزعالىسىن باقىلاۋدىڭ تيىمدىلىگىن ارتتىرۋعا، جۇرگىزۋ مادەنيەتىن قالىپتاستىرۋعا جانە وبلىس جولدارىنداعى اپاتتاردى ازايتۋعا باعىتتالعان، – دەدى الماتى وبلىسى پد پپب كومانديرى دارحان بايشوينوۆ.
پوليسيا دەپارتامەنتى قوعامدىق ءتارتىپتى قامتاماسىز ەتۋ جانە جول قاۋىپسىزدىگىن باقىلاۋدىڭ تيىمدىلىگىن ارتتىرۋ ءۇشىن جاڭا تەحنولوگيالاردى ەنگىزۋ جۇمىسىن جالعاستىرادى.