وسى جىلدىڭ سەگىز ايىندا قازاقستاننىڭ قارجى مينيسترلىگىنە قاراستى مەملەكەتتىك كىرىستەر كوميتەتى قورعاس تەمىرجول بەكەتىندە تىركەلگەن زاڭسىز زاتتار مەن ارەكەتتەر تۋرالى اقپاراتپەن ءبولىستى، دەپ حابارلايدى aqshamnews.kz
تابىلعان زاتتار: تەمەكىدەن پوليسەي فورماسىنا دەيىن
قورعاس بەكەتىندە جۇرگىزىلگەن كەدەندىك باقىلاۋ كەزىندە 17 مىڭنان استام تەمەكى ونىمدەرى، سونىڭ ىشىندە 1 800 ەلەكتروندى سيگارەت (ۆەيپ)، 2000-عا جۋىق تەرى ونىمدەرى، 300 سايعاق ءمۇيىزى، 100-دەن استام بوتەلكە ەليتالىق الكوگول ونىمدەرى تاركىلەندى.
سونىمەن قاتار، قورعاس ارقىلى اسكەري ماقساتتا پايدالانۋعا بولاتىن قوسالقى ماقساتتاعى تاۋارلار دا زاڭسىز وتكىزىلۋدە. 2023 جىلدىڭ باسىنان بەرى ءۇش درون، 107 فلياجكا، 85 پوليسەي فورماسىنىڭ بەلگىلەرى، 215 كەپكا مەن فۋتبولكا تاركىلەنگەن.
زاڭسىز ۆاليۋتا اينالىمى
قورعاس ارقىلى تەك تاۋارلار ەمەس، سونىمەن قاتار زاڭسىز ۆاليۋتالىق وپەراسيالار دا جۇزەگە اسىرىلۋدا. وسى جىلدىڭ العاشقى سەگىز ايىندا 2،3 ميلليون دوللاردان استام اقشا جاسىرىپ، شەكارادان وتپەك بولعاندارعا توسقاۋىل قويىلدى. 2022 جىلدىڭ 14 ناۋرىزىنداعى پرەزيدەنت جارلىعىنا سايكەس، 10 مىڭ دوللاردان استام قولما-قول ۆاليۋتانى شەتكە شىعارۋعا تىيىم سالىنعان.
زاڭبۇزۋشىلىقتار ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعان.
قازاقستان مەن جۇڭگو اراسىنداعى تاۋار اينالىمىنىڭ ستاتيستيكاسىنداعى ايىرماشىلىقتار
كوميتەت قازاقستان مەن جۇڭگو اراسىنداعى تاۋار اينالىمى تۋرالى مالىمەتتەردەگى ەلەۋلى ايىرماشىلىقتاردى اتاپ ءوتتى. قازاقستان تاراپىنان 19،3 ميلليارد دوللار، ال جۇڭگو بويىنشا 29،1 ميلليارد دوللار كورسەتىلگەن. بۇل ايىرماشىلىق 33،8% قۇرايدى.
قازاقستاننىڭ قىتايعا ەكسپورتى 9،8 ميلليارد دوللاردى، ال قىتايدىڭ يمپورتى 10،8 ميلليارد دوللاردى قۇرادى. مۇندا دا 9،5 پايىز ايىرماشىلىقتى كورۋگە بولادى.
قورعاس: زاڭسىزدىقتىڭ ورداسى
«قورعاس» حالىقارالىق شەكارالىق ىنتىماقتاستىق ورتالىعىندا وسىنداي كەلەڭسىزدىكتەر كوپتەپ كەزدەسكەندىكتەن حالىق اراسىندا «قارعىس اتقان» دەپ اتالۋدا. مۇندا كوپتەگەن لاۋازىمدى تۇلعالار قولعا تۇسكەن. مىسالى، «قورعاس ءىسى» اياسىندا 80 ادام تۇرمەگە قامالدى. حالىقارالىق ورتالىقتىڭ باسشىسى ۆاسيليي ءنيدىڭ 1 ميلليون دوللار پارامەن ۇستالعانى ءالى كۇنگە دەيىن ەستە ساقتالادى. سودان بەرى 10 جىل ءوتتى، ءبىراق جىلىنا ەكى-ۇش رەت كوررۋپسيامەن كۇرەسۋشىلەر بۇل جەردە بىرەۋدى ۇستاۋعا ءالى دە تىرىسادى. جاقىندا قازاقستان تەرريتورياسىندا التى زاڭسىز كازينو مەن ءبىر جەزوكشەلىك ءۇي جابىلدى، ولاردى ۇيىمداستىرعان جۇڭگو ازاماتتارى بولىپ شىقتى.