وڭتۇستىك كورەيادا قازاقستاندىقتاردى جۇمىستان شىعارىپ جاتىر دەگەن اقپارات جالعان - ءسىم

بۇعان دەيىن الەۋمەتتىك جەلىدە وڭتۇستىك كورەيادا جۇمىس ىستەيتىن وتانداستارىمىز جۇمىستان شىعارىلىپ جاتقانى تۋرالى اقپارات جاريالاندى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ. 

«بۇل – جالعان اقپارات»، - دەپ جاۋاپ بەردى ايبەك سمادياروۆ.

سونداي-اق ءسىم رەسمي وكىلى وڭتۇستىك كورەيا شەكاراسىن زاڭسىز كەسىپ وتكەن ەكى قازاقستاندىقتىڭ تاعدىرىنا قاتىستى جەرگىلىكتى پوليسيادان حابار كۇتىپ وتىرعانىن جەتكىزدى.

ەسكە سالا كەتسەك، بۇدان بۇرىن ينچحون اۋەجايىنان قازاقستاننىڭ ەكى ازاماتى قاشىپ شىعىپ، ولاردىڭ بىرەۋى ۇستالعانى  حابارلانعان بولاتىن. كەلتىرىلگەن اقپاراتقا سۇيەنسەك، ينچحون اۋەجايىنان قازاقستاننىڭ ەكى ازاماتى قاشىپ، قالاعا كىرمەك بولعان. ولاردىڭ ءبىرىنىڭ ەسىمى نۇرسۇلتان ىرىسبايەۆ، ال ەكىنشىسى ۋميجان نارزۋللايەۆ ەكەنى ايتىلادى. كەيىن ۋميجان نارزۋللايەۆ (2002 جىلعى) تەدجون قالاسىندا ۇستالعانى حابارلانعان. تەدجون حالىق ارالىق پوليسياسى قاشقىندى GS25 دۇكەنىندە تەلەفونىن قۋاتتاپ وتىرعان جەرىنەن قاماۋعا العان. 

كەيىن قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ وڭتۇستىك كورەياعا كىرۋگە تىيىم سالىنعانىنا قاراماستان اتالعان ەلگە زاڭسىز كىرىپ كەتكەن وتانداسىمىزعا ىزدەۋ جاريالانعانىن ءمالىم ەتتى. 

وڭتۇستىك كورەيا بيلىگى ىزدەۋدەگى قازاقستاندىقتى ۇستاپ بەرگەن ادامعا 10 ملن تەڭگە سىياقى بەرىلەتىنىن جاريالاعان.

29 ناۋرىزدا نۇرسۇلتان ىرىسبايەۆتىڭ پوليسياعا ءوز ەركىمەن بەرىلگەنى بەلگىلى بولدى.