«قولجەتىمدى پوليسيا» قاعيداسىن ىسكە اسىرۋ جولعا قويىلعان.
جاڭا ۋچاسكەلىك پوليسيا پۋنكتتەرىنىڭ ورنالاسقان جەرىن الماتى قالالىق پد-دا جاريالادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى پوليسياسى باستىعىنىڭ ايتۋىنشا، قالا اكىمدىگىنىڭ قولداۋىمەن تۇرعىن ءۇي الاپتارىنىڭ كەڭەيۋىنە، قالا اۋماعىنىڭ ۇلعايۋىنا جانە حالىق سانىنىڭ ارتۋىنا بايلانىستى، حالىقارالىق ستاندارتتاردىڭ بارلىق تالاپتارىنا جاۋاپ بەرەتىن ۋچاسكەلىك پوليسيا پۋنكتتەرىنىڭ زاماناۋي 10 جاڭا عيماراتىن سالۋ جوسپارلانىپ وتىر.
«الەۋمەتتىك جاۋاپكەرشىلىك اياسىندا بۇگىن ءبىز قۇرىلىس كومپانياسىمەن اۋىزشا كەلىسىمگە كەلدىك، ول سالىنىپ جاتقان تۇرعىن ءۇي كەشەندەرىنەن اۋدانى شامامەن 30-40 شارشى مەتردى قۇرايتىن ءۇي-جايلاردى بەرەتىن بولادى. ءۇي سالۋشى “تازا” ارلەۋدى جانە عيماراتتى قاجەتتى جيھازبەن جابدىقتاۋدى ءوز موينىنا الادى. اۋلالار مەن كىرەبەرىستەردەگى، سونداي-اق ىرگەلەس اۋماقتاعى بارلىق كامەرالار وسى پوليسيا پۋنكتەرىنە شىعارىلاتىن بولادى. بۇل عيماراتتار پوليسياعا ۋاقىتشا پايدالانۋعا بەرىلەدى. ۋچاسكەلىك پوليسيا پۋنكتتەرىنىڭ اشىلۋى وسى تۇرعىن ءۇي كەشەندەرىنىڭ تۇرعىندارىن قاجەتتى ۋچاسكەلىك پوليسيا ينسپەكتورلارىمەن قامتاماسىز ەتۋگە مۇمكىندىك بەرەدى. سونىمەن قاتار ءبىز وسى ءتۇ تۇرعىندارىنىڭ اراسىنان “حالىق جاساعى” ينستيتۋتىن جانداندىرعىمىز كەلەدى»، – دەدى ارىستانعاني زاپپاروۆ.
بۇل شارالار ءبىرىنشى كەزەكتە پوليسيانىڭ قۇقىق بۇزۋشىلىق دەرەكتەرىنە جەدەل دەن قويۋىنا جانە قوعامدىق قاۋىپسىزدىكتى قامتاماسىز ەتۋگە، سونداي-اق “قولجەتىمدى پوليسيا” قاعيداسىن ىسكە اسىرۋعا باعىتتالعان.
انىقتاما ءۇشىن: “تەرەمكي” ءتۇ كەشەنىندە، “City Plus” ءتۇ كەشەنىندە، “Alma City 5” ءتۇ كەشەنىندە جانە “City Park” ءتۇ كەشەنىندە جاڭا ۋچاسكەلىك پوليسيا پۋنكتتەرى پايدا بولادى.